Cаяхатшы фотограф Александр Химушин тоғыз жылда 84 елге сапарлапты. Александр әлемдегі әртүрлі халықтың бейнесін көрсету үшін "Дидар-дүние" (World In Faces) фото-жобасын жасаған. Ол соңғы алты айдың ішінде Сібір өлкесінің тұрғылықты халықтарын суретке түсіріп шықты.
Чехословакияға қашқан орыс, украин және белорус эмигранттарының тағдыры туралы фотогалерея.
Қырғызстанның Ош қаласында журналист Әлішер Саиповтың музей-үйі ашылды. Билікті сынайтын мақалаларымен танымал журналисті 2007 жылы 24 қазанда Ошта атып өлтіріп кеткен еді.
Қылмыстық іс бойынша тергеуі мен соттары жылдап созылған Қырым саяси тұтқындарының балалары әке қамқорлығын көрмей өсіп жатыр.
6364 адам тұратын Хантағы ауылында тұрғындар негізінен мал шаруашылығымен айналысады. Жергілікті әкімдік өкілі тіркелген 14-28 жас аралығындағы 1016 адамның 30-дан астамы ғана ауылдан жұмыс тапқанын айтады.
Қазақстанның Қырғызстанмен шекарасындағы тексеріп-өткізу бекеттерінде адам мен автокөліктің ұзын-сонар кезегі пайда болғанына бірнеше күн өтті. Қазақстан ұлттық қауіпсіздік комитеті (ҰҚК) шекарада "жоспарлы операцияға" байланысты тексеру күшейгенін хабарлаған. Алайда кейбіреулер мұны 7 ақпанда Қазақстан билігін "қырғыз сайлауына араласуға тырысты" деп айыптаған Қырғызстанның қазіргі президенті Алмазбек Атамбаевтың мәлімдемесімен байланыстырады. Қырғызстанда 15 қазанда сайлау болып өткенімен қазақ-қырғыз шекарасы бойындағы бекеттер кезектерден әлі арылған жоқ.
Совет тұсында алдыңғы қатарлы ірі кен орны болған Ащысай ауылында қазір басты проблема – жұмыссыздық. Соңғы ширек ғасырда халқының саны күрт азайып кеткен ауылда негізінен балалар мен қариялар қалған.
Анаға арнау өлеңдер, өмірдің мәні жайлы ойлар мен түрлі-түсті суреттер өмірінің ендігі қалған бөлігін қапаста өткізетіндердің қолынан шыққан... Астанадағы көрмеге сот үкімі бойынша өлім жазасы тағайындалған және өмір бойы бас бостандығынан айырылғандардың жұмыстары қойылды.
Оңтүстік Қазақстан облысының орталығы Шымкенттен шамамен 200 шақырым қашықта орналасқан Кентау қаласында 95 мыңнан астам адам тұрады. Кентаудағы бір кездері қала құрушы үлкен өндіріс орталығы болған кәсіпорындар қазір қаңырап бос тұр. Шағын қаладағы совет заманында тұрғызылған көпқабатты тұрғын үйлердің ескіргені байқалады. Тұруға жарамсыздарын бұзып жатыр.
Тағы