Өзбекстанда ұзақ уақыт түрмеде отырған кей саяси тұтқындардың шығуын жұрт жақсылыққа жорыған. Үкіметті сынайтын құқық қорғаушыны қайтадан психиатриялық емханаға күштеп жатқызуы биліктің баяғы тәсілге жүгінуді жөн санайтынын көрсетті.
Азаттық тілшісі Сәния Тойкенді соңғы бір айда осымен екінші рет полицияға жеткізіп, бұл жолы бірнеше сағат ұстады. Журналист редакция тапсырмасы бойынша бара жатқан Маңғыстау облысы әкімі Алик Айдарбаевтың тұрғындарға есеп беру жиынына қатыса алмады. Соңғы бір жылда Сәния Тойкен кәсіби жұмысы барысында бірнеше рет кедергіге кезіккен.
Азаматтық белсенді ретінде танылған журналистің «қаржы жымқыру ісі» бойынша тергеуге іліккені әріптестерін таңырқатты.
«Саяси қалам. Трибуна» газеті бас редакторы міндетін атқарушы, журналист Жанболат Мамай абақтыға қамалды. AzattyqLIVE тақырыпты «Жас Алаш» газеті бас редакторы Рысбек Сәрсенбаймен талқылады.
"Трибуна. Саяси қалам" газеті бас редакторы міндетін атқарушы Жанболат Мамайды билік орындары қуғындағы оппозициялық саясаткер Мұхтар Әблязовпен бірге "қаржы жымқыру ісіне қатысы бар" деген күдікпен тергеуге әкеткені хабарланды.
Amnesty International ұйымы Қазақстанда билікпен келіспейтінін білдіріп, сынаған өзгеше ойлайтын адамдарды қудалау қаупі күшейіп келеді деп ескертеді. Құқық қорғау ұйымы пост жариялап, комментарийлер жазғаны үшін қамауға алу оқиғаларын талдаған.
Әшкерелеуші мақалалары үшін Әзербайжан билігі журналист Хадиджа Исмаилованы жақтырмайды. Оның Брюссельдегі мәжіліске видеоконференция арқылы қатысуына тосқауыл қоймақ болғандар әрекеті тілшінің өзін таңғалдырды.
БАҚ туралы заңдарға үкімет енгізуді ұсынған түзетулерге қарсы қазақстандық журналистердің онлайн-петициясына қол қойғандар саны әзірше 100 адамға да жеткен жоқ. Медиа-белсенділер жергілікті журналистердің өз мамандығына салғырт екенін айтады.
ОҚО Сарыағаш ауданында бұған дейін бір рет сотталған Амангелді Батырбековтің үстінен сол іспен тағы үкім шықты. Қайыра арыз түсірген - Сайрам ауданы прокуроры орынбасары Нұрлан Сапаров. Бір іспен екі рет сотталған белсенді рақымшылыққа разы емес, «толық ақталуым керек» дейді.
Елде биыл журналистерге қатысты 87 қылмыстық іс қозғалған. БАҚ еркіндігін қорғаушы мамандар «алдағы жылда да жағдай мәз бола қоймас» деп жориды.
Астанада Қазақстан журналистер одағы төрағасы Сейітқазы Матаев пен оның ұлы, ҚазТАГ ақпарат агенттігінің директоры Әсет Матаевтың апелляциялық шағымы бойынша сот шешімі шықты. Апелляциялық алқа Матаевтар шағымын қанағаттандырмады.
Азаттық Түркіменстандағы тілшісінің ұсталуын айыптап, журналистің қуғындалуын оның кәсіби қызметімен тікелей байланысты деп біледі.
Тағы
