Рейбанттар отбасының Петропавл қалалық полиция қызметкерлерін жауапқа тартуды талап етіп жүргеніне бесінші жыл. Туыстары Анатолий Рейбанттың ажалы "полицияның ұрып-соғуы салдарынан болды" деп санайды. Прокуратура марқұм "өз-өзін жарақаттаған" дейді.
Сайлау күні Алматы полициясы бейбіт наразылық акциясына шыққан азаматтарды қоршап, ас-су бергізбей, әжетханаға шығармай 9 сағатқа дейін суықта далада ұстады. “Кеттлинг” дейтін бұл әдіс қайдан келді, өзге елде қолдана ма, Қазақстандағысы азаптау емес пе? Азаттық түсіндіреді.
Шығыс Қазақстан облысы Мақаншы ауылындағы полиция бөлімінде қаза болған Азамат Оразалының өліміне байланысты үш полицей қамауға алынып, "Азаптау" бабы бойынша қылмыстық іс қозғалды. Туыстары "мал ұрлығын мойындатпақ болған полиция жігітті қинап өлтірген" дейді.
Қазақстанның бірнеше өңіріндегі түрме әкімшілігі тұтқын құқығын қорғаумен айналысатын Елена Семенованы сотқа берді. Әлеуметтік желіде Семенованың жақтастары құқық қорғаушыны қудалауды доғаруды, колониялардағы азаптау фактілері туралы хабарларды тексеруді талап етті.
Сәуірде Аягөздегі балаларға арнайы әлеуметтік қызмет көрсету орталығында төрт бала қаза тапқаннан кейін, Қазақстан билігі елдегі барлық мемлекеттік медициналық-санитарлық мекемелерде тексеру жұмыстарын жүргізетінін мәлімдеді. Қайтыс болған балалардың денесі қатты жүдегені белгілі болды.
Kuresker.org құқық қорғау сайты Қазақстандағы белсенділерді қудалау, түрмедегі тұтқындарды азаптау жайлы материалдарынан кейін билік сайтты әдейі бұғаттап тастады деп санайды. Шенеуніктер оны жоққа шығарады.
Бүгін, 1 мамырда Нұр-Сұлтанда бұрынғы күйеуі пышақтап өлтірген әйелді соңғы сапарға шығарып салды.
Тараз түрмесіндегі тұтқындардың бірі колония басшылығына наразылық ретінде аштық жариялап, енді бірі аузын тігіп тастады. Қылмыстық атқару жүйесі комитеті "ұдайы тәртіп бұзатындар" "қоғам назарын басқаға бұру үшін" өз денесін әдейі жарақаттайды дейді. Құқық қорғаушылар тұтқындарға адвокат жалдамақ.
АҚШ мемлекеттік департаменті наурыздың 11-і күні жариялаған Адам құқықтары туралы 2019 жылға арналған есебінде Қазақстанның бұрынғы президенті Нұрсұлтан Назарбаевтың билікке әлі ықпал етіп отырғаны, қазіргі үкімет адам құқығын шектеп жатқаны айтылған.
Полиция Нұр-Сұлтандағы тергеу абақтысында қайтыс болды деп хабарлаған белсенді Дулат Ағаділ жерленгеннен кейін әлеуметтік желіде марқұмның денесіндегі "жарақаттар" жайлы видео тарады. Прокуратура шұғыл брифинг өткізіп, ресми сараптама қорытындысын күтуге шақырды.
Өзбек блогері Нафосат Оллошукурова тұтқында болған кезде оппозицияға қарсы куәлік беруден бас тартқаны үшін полиция қызметкерлері өзін ұрып-соғып, "зорлаймыз" деп қоқан-лоқы жасағанын мәлімдеді.
Тағы
