Мерзімді басылымдарда, “Азаттық” радиосының тілшісі Жұлдыз Төлеудің соққығы жығылып кеткендігі, Қазақстандағы Ресей жылының басталғандығы туралы және тағы да басқа саяси, әлеуметтік тақырыпқа арналған мақалалар жарық көрген.
Еуроодақтың Сыртқы саясат және қауіпсіздік мәселелері бойынша жетекшісі Хавьер Солана Иранда екі күндік сапармен болып қайтты. Кәзір одақ пен Иран арасындағы екі жақты байланыстар біршама түзу. Екі тараптың келіссөздері маусым айында Иранның ядролық бағдарламасы күллі әлемге қауіп төндіреді деген себеппен тоқтап қалды. Енді Ирандағы консерваторлар мен реформашылдардың арасындағы сайлау алды теке-тірестері жаңа қиыншылықтар тудырып отыр.
Қаңтардың 15і бейсенбіге Шанхай ынтымақтастығы ұйымының Қытай астанасы Бейжіңдегі хатшылығы кеңесінің ашылу салтанаты жоспарланған. Талдаушылардың тілшімізге айтуынша, бұл шараның ұйымға мүше елдер - Ресей, Қытай, Қазақстан, Қырғызстан, Тәжікстан және Өзбекстан үшін маңызы аса зор болмақ.
Осы аптада өткен Америка құрылығы басшыларының саммитінде АҚШ президенті Джордж Буш бұл құрлық басшыларын Құрама Штаттар саясатын қолдауға шақырды. Алайда осынау Мексикада өткен саммитте құрлық басшылары Буштың үндеулерін салқын қабылдады.
Ресей президенті Владимир Путиннің Қазақстанға келуімен Ресейдің Қазақстандағы жылы басталады. Бұл жыл барысында Қазақстандағы орыс қауымдастығының мүшелері өздеріне үнамайтын түрлі мәселелерді шешіп алуды жоспарлап отыр. Дәлірек айтқанда, Қазақстандағы орыс қауымдастығының мүшесі Геннадий Беляковтың ойынша, екі ел азаматтарына қос азаматтық енгізу керек.
АҚШ-тың Стардаст ғарыш кемесі құйрықты жұлдыздың шаң-тозаңын бойына сіңіріп оны Жерге екі жылдан кейін жеткізуі тиіс. Бұл Ай құрамынан кейінгі Жерге жеткізілейін деп отырған екінші ғарыш денесінің құрамы болмақ.
Мерзімді басылымдарда, Мәжіліс мақұлдаған “Бұқаралық ақпарат құралдары” туралы Заң жобасы, Ұлттық Банктің төрағасы Григорий Марченконың үкіметке ауысқандығы, Америка Құрама Штатының президенті Джордж Буштың інісі Нелли Буштың Қазақстанға келгендігі және тағы да басқа саяси, әлеуметтік тақырыптарға арналған мақалалар жарық көрген.
Тағы
