«Инжиниринг және технология трансферті» акционерлік қоғамы биыл шілде айынан бастап Алматыда отандық компьютер жасап шығару жоспары барын хабарлады.
Тәуелсіз басылымдарда Қазақстан оппозициясы ұсынған жаңа конституция жобасы талқыланыпты. Орыс ұлтшылы Владимир Жириновскийдің “Қазақстан деген мемлекет болған емес” деп мәлімдегеніне біраз уақыт өтсе де осы мәселе қазақ баспасөзінде әлі сөз болып жатыр.
Ақпанның 4-і Алматыда өткен Еуразиялық экономикалық қауымдастығының интеграциялық комитетінің 22-ші отырысына Ресей, Қазақстан, Қырғызстан, Беларусь және Тәжікстан үкіметтері басшыларының орынбасарлары қатысты.
Ақпанның 4-і күні сағат 15-те Грузияның премьeр-министрі Зураб Жванияның қайтыс болуына байланысты Грузияның Астанадағы елшілігі көңіл айту кітабын ашты.
Астанаға екі күндік ресми сапармен келген АҚШ мемлекеттік хатшысының Еуропа және Еуразия мәселелері жөніндегі көмекшісінің орынбасары Лаура Кеннеди Қазақстанның бірқатар министрлерімен кездесулер өткізіп, адам құқықтары және экономикалық дамуға байланысты бірқатар мәселелер қозғаған.
Қазақстан қылмыстық атқару жүйесі мамандары түрмеде жазасын өтеп жатқандар арасында сурет салуға, қолөнерге жақын адамдар қатары жылдан-жылға артып отырғанын айтады.
Қаңтардың 4-не қараған түні сағат 23 шамасында Жамбыл облысы Талас ауданында 01-99 нөмірлі тепловозы апатқа ұшырап, салдарынан тепловоз машинісі мен тауар кассирі мерт болған.
Семейде қызылша дертіне шалдыққандардың саны толассыз өсіп, 1338 адамға жеткен. Қазақстан үкіметінің қаулысымен елде ақпанның 21-інен бастау жоспарланған қызылшаға қарсы егу жұмыстары Семейде және өзге облыстарда мерзімінен бұрын басталып кетті.
Астана қаласының билігі алдағы үш жылда бүкіл қаланы толығымен бейнекамералардың бақылауына алуды жоспарлап отыр.
Оппозиционер Заманбек Нұрқаділов тәуелсіз басылымдарға сұхбатында Еуропада Қазақстандағы коррупцияға қарсы халықаралық комиссия құрғандығын мәлімдепті. Сондай-ақ жұма күнгі баспасөз «Қазақстанның демократиялық таңдауы» халықтық партиясын жабу туралы Алматы экономикалық сотының шешімі туралы жазыпты.
Президент Дж. Буш биылғы жолдауында АҚШ-тың қарсыластарына да, Таяу шығыстағы одақтастарына да бірқатар қатқыл сөздер арнады.
АҚШ президенті Дж. Буш кезекті жылдық жолдауында "терроризмге қарсы күрестің" маңыздылығын атап өтті. Қазақстандық сарапшылар Ақ үй басшысының айтқанына қатысты қарама-қайшы пікірлер білдіреді.
Тағы
