ЕСКІ АЗАТТЫҚ (6/2003-7/2008)

• ақпан 25, 2005

  Қазақстанда "террористік" деп танылған ұйымдардың қатары көбеюі мүмкін

  Қазақстанның бас прокуратурасы «Асбат әл-Ансар», «Мұсылман бауырлар», «Бозғұрт», «Талибан», «Орталық Азия моджахедтерінің жамааты», «Лашкар и-Тайба», «Кувейттің әлеуметтік реформалар қоғамы» деп аталатын діни ұйымдарды террористік құрылым деп тануды сұрап Жоғарғы сотқа өтініш түсірді.

• ақпан 25, 2005

  Есеп комитеті мемлекет кірісіне 58,5 миллиард теңгенің түспегенін айтады

  Қазақстанның есеп комитеті былтыр республикалық бюджеттің кірісіне тиесілі 58 миллиард 502 миллион теңге түспеген деп хабарлады. Ал игерілмей қалған қаржы 44 миллиард теңгені құраған.

• ақпан 25, 2005

  Алматыда орман-ағаш өнеркәсібінің Орта Азиялық форумы басталды

  Қазақстанның ағаш өңдеу өндірістері мен мебель бұйымдарын жасау кәсіпорындары қауымдастығы ұйымдастырып отырған бұл жиынның мақсаты - Орталық Азия аймағында Қазақстанды осы саладағы жетекші елге айналдыру.

• ақпан 25, 2005

  Қазақ ауылында швейцар ірімшігі мен йогурт жасалады

  «Орталық Азия тау бағдарламасы» халықаралық ұйымы Қазақстандағы Нидерланды елшілігінің қолдауымен Алматы облысында ауыл әйелдерін тұрмыстық жағдайда ірімшік пен йогурт және сүттен дайындалатын тағамдардың өзге де түрін өндіруге баулуды ұйымдастырып жатыр. Олар ауылды жердегі қыз-келіншектерге ірімшіктің түрлері мен қала дүкендерінде сатылып жатқан йогуртты үйден дайындаудың қыр-сырын үйретпек.

• ақпан 24, 2005

  Демократиялық партия басшысы Мақсұт Нәрікбаев ұстазымен соттасып жатыр

  Қазақ диссиденті Кәрішал Асанов пен Қазақстан Жоғарғы сотының бұрынғы төрағасы, қазірде Қазақ заң университетінің ректоры әрі Демократиялық партияның төрағасы Мақсұт Нәрікбаев бір-бірінен 10 миллион доллар талап етіп, сотқа жүгініп жатыр.

• ақпан 24, 2005

  «Тұзды көл жағасындағы үй» көркем фильмі үлкен экранға шықты

  Ақпанның 23-і Алматыда жазушы Сәтімжан Санбаевтың сценарийі бойынша түсірілген «Тұзды көл жағасындағы үй» атты көркем фильмнің тұсаукесер қойылымы өтті.

• ақпан 24, 2005

  Қырғызстанда сайлау қарсаңында шерулер өрістей түсті

  Қырғызстанның үш бөлігінде басталған шерулер сәрсенбі күні шырқау шегіне жетті. Үш үміткердің парламент сайлауына түсуіне салынған тиымның алынып тасталуын талап етіп Кочкор ауданында шеруге шыққандар аймақ әкімі Тариел Айтбаевтың көлігін бөгеп тастады. Әкім шерушілерді тарауға шақыруға тырысқан еді. Ал, Ыстықкөл және Нарын аймақтарындағы шерулерге шамамен 9 мыңдай адам қатысқан.

• ақпан 24, 2005

  Тәжікстан парламенті сайлауына санаулы күн қалды

  Алдағы жексенбі – 27 ақпанда Қырғызстан ғана емес, Тәжікстанда да жаңа парламент сайлауы өткелі жатыр. Бұл 1990 жылдары Тәжікстанда азамат соғысы болғаннан бері парламентке өткелі отырған екінші сайлау.

• ақпан 24, 2005

  Қазақстандық әскери қызметкерге адам саудасымен айналысқан деген айып тағылды

  Қазақстан қорғаныс министрлігінің офицері жұмыссыз жас әйелдерді шетелге алдап шығарып, сатып жіберген деген айып бойынша қылмыстық жауапқа тартылды.

• ақпан 24, 2005

  Молдова астанасында ұсталған Қазақстанның екі азаматы жоғалып кетті

  Молдова астанасында Қазақстанның екі азаматы ұсталып, кейіннен із-түссіз кеткен. Тәуелсіз мемлекеттер достастығынан келген 20 адамның құрамында болған қазақстандықтарды Молдова билігі осы елдегі сайлау алдындағы науқанда заң талаптарын бұзып, заңсыз үгіттеу жүргізген деп айыптап, елден шығарған.

• ақпан 24, 2005

  Атырауда қазақстандық және түрік жұмысшылары төбелескен

  Атырау мұнай өңдеу зауытының ауласында орналасқан «ГАТЕ» түрік фирмасында ақпанның 22-і, дүйсенбіде қазақстандық және түрік жұмысшылары арасында жаппай төбелес болған.

• ақпан 24, 2005

  Баспасөзге шолу. 24 ақпан 2005 жыл.

  Бейсенбі күні шыққан оппозициялық басылымдарда Нью-Йорктың оңтүстік федералдық сотындағы “Қазақгейт” сот ісі туралы, сондай-ақ Қазақстанның экс-премьері Әкежан Қажыгелдин жайлы мақалалар жарияланған.

Тағы