Ақтөбе облысы Қарғалы ауданындағы Шәмші Қалдаяқов атындағы ауылды жаппай жұмыссыздық жайлаған. Жастар жағы күнкөріс іздеп қалаға кеткен, ауылда қалғандары үйлерінде бос отыр. Ал жұмысы барлары еңбекақыны уақытында ала алмайды.
Сарыағаш ауданы бойынша медицина қызметкерлері кәсіподағының төрағасы Ибрагим Жүнісбеков «сотты сыйламағаны» үшін алты тәулікке қамалды. Жемқорлықты әшкерелегісі келетін белсенді биыл үш рет сотқа тартылып, аудандық мәслихат құрамынан шығарылды.
Жаңаөзенде төрт күнге созылған «Өзенмұнайгаз» өндірістік филиалы жұмысшыларының ереуілі тоқтады. Филиал бастығының авдокат жалдау туралы уәдесіне сенген мұнайшылар әліптің артын бағып жұмысқа шықты.
Жыл сайын қыркүйек айында аңшылық маусымы басталады. Жүздеген аңшы ата-баба салтымен түз тағыларының ізіне түседі. Бірақ бүгінде осы бір ежелгі дәстүрге қарсыластар да бар. Олар аң аулауға мүлдем тыйым салуды қолдайды.
Жаңаөзен қалалық соты «есірткі сақтап, тұтынған» деген күдікке ілінген «Өзенмұнайгаз» кәсіпорнының жүргізушісі Таған Қощановты үйқамақта ұстауға шешім шығарды. Алайда Жаңаөзендегі автобекетке жиналғандар оны толық ақтауды талап етіп, тарқамай тұр.
Оңтүстік өңірде тұрғындар биылғы күз айында табиғаттың тосын құбылысына куә болды. Бұтақтар бүршік жарып, жұпаргүл, жеміс ағаштары гүлдеп жатыр. Мамандардың айтуынша, биылғыдай күзде күннің ысуы соңғы рет 1936 жылы тіркелген екен.
Жарты миллиардтан астам теңге жымқырған деген күдікпен «Нұрбанктің» Шымкенттегі филиалының директорына іздеу жарияланғаны туралы ақпаратты полиция растады. Банкирдің отбасымен бірге қазір қайда екендігі белгісіз.
Петропавлдағы орталық саябаққа биыл жазда қойылған ескерткіштердің жартысынан астамын автор Қазыбек Сатыбалдин қайтадан алып кетті. Былтыр осы жобаны мақұлдап, жасатуға тапсырыс берген қалалық әкімдік мүсіндердің көркемдік бейнесін жаратпай қалды.
Оңтүстік Қазақстан облысында жоғалып кеткен жасөспірім қызды іздегендер 19 жастағы бойжеткенді ұрлап әкетіп, оны бір тәулік бойы еркінен тыс ұстап, күш көрсеткен деген күдікпен қамауға алынды.
Сәрсенбі күні Шымкенттен келе жатқан жолаушылар автобусы қарсы кездескен жүк көлігімен соқтығысып, соның салдарынан отқа оранған автобустағы 10 адам жанып кеткен. Жүк көлігінің жүргізушісі де сол жерде жан тапсырған.
Қостанай облысы Әуликөл ауданындағы Құсмұрын ауылындағы түрмеде қаза болған Атырау облысының тумасы Қанат Мұхамбетқалиевтың ата-анасы балаларының өліміне түрме әкімшілігін кінәлайды. Ресми орган өкілі «тұтқын мидың қабынуынан көз жұмған» дейді.
Оңтүстік Қазақстан облысы Сайрам ауданы Базарқақпа ауылында 29 оралман отбасы бұрынғы наркологиялық диспансердің қирағалы тұрған ескі ғимаратында өмір сүруге мәжбүр. Олар Қазақстанға келген 10-15 жылдан бері осы жерде тұрып жатыр. Ал жергілікті билік мұнда тұрудың қауіпті екенін ескертумен шектеліп келеді.
Тағы
