АЙМАҚ ХАБАРЛАРЫ

• қаңтар 11, 2018

  Теміртаулықтардың Назарбаеваға хаты

  Теміртау тұрғындарының бастамашыл тобы "қара түсті қарға қарсы" және қаладағы экологиялық жағдайды жақсартуды талап еткен хатқа екі күнде бес мыңнан аса қол жинады. Қаладағы негізгі кәсіпорынның иесі металлургиялық комбинаттың жұмысы – Теміртаудың экологиялық ахуалына әсер етіп жатқан көп факторлардың бірі ғана дейді.

• қаңтар 10, 2018

  Депутатқа шағымданғандар медресе ашуды сұрады

  "Орамал дауына" байланысты қыздары сабаққа кіре алмай жүрген ақтөбеліктер парламент депутаты Бақытбек Смағұлға шағымданды. "Мектептің қойған талабы - заңды" деген депутат пен жергілікті басшылардың сөзіне келіспеген олар биліктен балаларына арнайы мектеп-медресе ашуға рұқсат сұрады.

• қаңтар 10, 2018

  "Оккульттік ұйым" ісі бойынша сот

  Қарағандыда "СССР оккульттік ұйымының" ықтимал екі мүшесінің ісін қарап жатқан процесте сотталушыларға айып ретінде тағылған кітаптарға ресми түрде тыйым салынбағаны жария болды. Бұған қоса, іске қатысты куәгер полиция өкілін тыңдады.

• желтоқсан 27, 2017

  Көпқабатты үйде пеш жағып отырған ауыл

  Петропавл қаласынан сегіз шақырым жердегі Бескөл ауылы орталық жылу жүйесіне әлі қосылмаған. Көпқабатты үй тұрғындары пеш жағып отырғандарын айтады.

• желтоқсан 21, 2017

  Шымкенттіктер тарифтердің өсуіне наразы

  Шымкент тұрғындары коммуналдық төлемдердің өсуі қоғамда наразылық тудыруы мүмкін екенін ескертеді. Шенеуніктер тариф заң негізінде қымбаттағанын, ал монополистер бағаны көтеруге мәжбүр екендерін айтады.

• желтоқсан 12, 2017

  Қалдық қоймасының дауы

  Шығыс Қазақстан облысында тұрғындар Ақтоғайдағы химиялық қалдықтар қоймасы экологияға зиян тигізіп отыр деп шағымданды. Қоймаға иелік ететін "KAZ Kazminerals Aktogay" компаниясы "қауіп жоқ" десе, жергілікті билік органдардың жауаптары бір-біріне қайшы шығып отыр.

• желтоқсан 01, 2017

  21 жылын ВИЧ дертімен өткізген әйел

  ВИЧ дертіне шалдыққанына 20 жылдан асқан теміртаулық әйел ВИЧ жұқтырған адамдарды диагнозын жасырмауға шақырады. Оның өзі тәрізді жандардың қоғамға бейімделуіне көмектесіп, құқығын қорғап жүргеніне бірнеше жыл болған.

• қараша 30, 2017

  "Алауыздық" ісіндегі "оккульттік" ұйым аталды

  Қарағанды соты "Киелі Русь жаратушыларының одағы" оккульттік ұйымының ықтимал мүшелері деп аталған екі ер адамның үстінен қозғалған "алауыздық қоздыру" туралы істі қарап жатыр. Сотталушылар – бірі прокуратураның бұрынғы қызметкері – айыптаудың мәнісін түсіндіруді талап етеді. Айыпталушылардың жақтастары қылмыстық іс "ойдан шығарылған" деп санайды.

• қараша 30, 2017

  "Қазақмыс" "еңбек дауын реттегенін" хабарлады

  "Қазақмыс" корпорациясы еңбекақыны көтеріп, әлеуметтік жағдайларын жақсарту туралы талап қойған Оңтүстік Жезқазған кенішіндегі жұмысшылармен арадағы "еңбек дауы реттелгені" туралы ақпарат таратты. Компания бұл туралы шахтадан шығудан бас тартқан кеншілермен келіссөз өткізгеннен кейін хабарлады.

• қараша 21, 2017

  "Мұнай ұрлығы" туралы іс сотқа жетті

  Ақтөбеде "мұнай ұрлаумен айналысқан қылмыстық топ" деген күдікпен ұсталған 26 адамның ісі бойынша алдын ала сот тыңдауы өтті. Тергеу қорытындысы бойынша оларға ауыр және аса ауыр қылмыстар жасаған деген айыптар тағылған. Сотталушылар арасында облыстық ішкі істер департаменті басшысының бұрынғы орынбасары да бар.

• қараша 21, 2017

  Терроризм күдігіне ілінген он сайрамдық кім?

  Оңтүстік Қазақстан облысы Сайрам ауданында "терроризмді насихаттады" және "діни алауыздықты қоздырды" деген күдікпен ұсталған он адам қарашаның 20-сында уақытша қамалды. Туыстары олардың кінәсіз екенін айтады.

• қараша 17, 2017

  Ленин көшесінің атын өзгертуге қарсылық

  Павлодардағы Ленин көшесінің атын Астана көшесі деп ауыстыру бастамасы тарихи мұраға деген көзқарас мәселесіне назар аудартты. Бастамаға қарсылар "тарихқа тиіспей", көше атын осы қалпында қалдыруға шақырады. Ал жақтаушылар мұны "уақыт талабы" дейді.

Тағы