ОРТАЛЫҚ АЗИЯ

Атамбаев "кешірім сұрамайтынын" мәлімдеді

Қырғызстан президенті Алмазбек Атамбаев 2017 жылы қарашаның 15-і күні «Ала-Арча» мемлекеттік резиденциясында тұрақты даму жөніндегі Ұлттық кеңес отырысында қазақ-қырғыз шекарасындағы ахуал жөнінде сөйлеп, ешкімнен кешірім сұрамайтынын мәлімдеді. Бұл туралы Азаттықтың Қырғыз қызметі хабарлады.

Сарапшы: Бабановтың саяси болашағын болжауға ерте

Омурбек Бабанов парламенттегі "Республика-Ата-Журт" фракциясының жетекшілігінен кетті. Қазір шетелде жүрген ол партияластарына жолдаған үндеуінде жағдайым жақсы деп мәлімдейді. Елге қашан оралатыны белгісіз. Қырғызстанда бас прокуратура оның үстінен қылмыстық іс қозғаған. Осы оқиғалардан кейін Омурбек Бабановтың саяси болашағы бар ма? Фракция жетешілігінен кету себебі қандай? Азаттықтың Қырғыз қызметінің осы және өзге сұрақтарына саясаттанушы Эдиль Осмонбетов жауап берді.

"Қырғызстанмен сауда соғысы" айтыла бастады

Қазақстан қырғызстандық кей компаниялардың сүт, ет және кондитер өнімдерін кіргізуді шектеді. Астана бұл шешімін Қырғызстаннан "талапқа сай емес өнімдер келіп жатыр" деп түсіндірді. Сарапшылар екі көршінің бір айдан асқан тәжікесінен «сауда соғысы» белгілерін көреді.

Өзбекстан интеграция кілтін ауылдардан іздейді

Өзбекстан президенті Шавкат Мирзияев Орталық Азия елдері шекаралас аймақтарының басшылары мен кәсіпкерлері қауымдастығын құруды ұсынды. Сарапшылар оның өміршеңдігіне күмәнмен қарағанымен, аймақтағы кейбір мәселені шешуде бірлестік тиімді бола алады дейді.

"Діни жоралғы орындамайтын діндарлар"

Орталық Азия жастарының өмірінде діннің орны қандай? Аймақта діни радикалдану қатері шынымен бар ма? Дін қайраткерлерінің аймақ елдерінің қоғамдық өміріндегі рөлін жастар қалай бағалайды? "Орталық Азиядағы жастар" зерттеуі авторларының бірі, Фридрих Эберт атындағы қордың Қазақстандағы кеңсе басшысы Толғанай Үмбетәлиева Азаттықпен сұхбатында осы сұрақтарға жауап берді.

Өзбек лингвисі: «Латын» халықты қақ жарды

Өзбекстанның латын қарпіне көшу тәжірибесін Азаттыққа АҚШ-та тұратын өзбек лингвисі Жахонгир Маматов әңгімелеп берді. Оның сөзіне қарағанда, Өзбекстан ресми енгізілген алғашқы әліпбиден бас тартып, кейіннен кей әріптеріне апостроф қосылған екінші әліпбиді бекіткен. Ғалым «жазуы жайсыз» елде енді апострофтан бас тарту әңгімесі шыққанын айтады. Жахонгир Маматов Өзбекстанның «латынша әліпбиге» әлі күнге толық көше алмауын биліктің енжарлығынан да көреді. Ал Қазақстан латын қарпіндегі әліпбиін өткен айда бекітті.

Ресейге соқпайтын тасымал дәлізі ОА-ға не береді?

Қытайдан Еуропаға жүк тасымалдайтын Баку-Тбилиси-Қарс темір жолының ашылу рәсіміне Орталық Азия елдерінің ресми өкілдері қатысты. Сарапшылар Ресейге соқпай өтетін бағыттағы тасымалдың Орталық Азияға пайдалы екендігін айтады.

Бабановтың үстінен қылмыстық іс қозғалды

Қырғыз белсенділері Астананы айыптайды

Қарашаның 3-і күні Қазақстанның Қырғызстандағы елшілігі алдында өткен наразылық акциясына ондаған адам жиналды. Олар Қазақстан территориясына кіруге рұқсат күтіп, жүздеген жүк көліктері тұрып қалған екі ел шекарасындағы жағдайды «реттеуді» талап етті. Наразылық акциясына қатысушылар «ЕАЭО-дан шығу мәселесін қозғаймыз» деп мәлімдеді. Бішкектің бұл ұйымға мүшелік етуі қажет пе деген мәселе Қырғызстанның саясеткерлер ортасында да қозғалып жатыр.

Қанды шабуыл жасауға не итермелейді?

Өзбекстан тумасы жасады деп болжанған Нью-Йорктегі шабуыл Орталық Азия аймағына назар аударуға мәжбүрледі. Сарапшылар Орталық Азияда шыққан азаматтардың радикалдануына түрткі болған бірнеше факторды атайды.

Шекарадағы "жаңа кедергілер"

Қырғызстан кәсіпкерлері Қазақстанның бақылау бекеттеріндегі күшейтілген режимге шекарадан өткеннен кейінгі негізсіз тексерулер қосылды деген шағым айтады. Ал Қазақстандағы тексеруші органдар қырғыз тасымалдаушылдары тарапынан заң бұзылып жатқанын хабарлады.

Басшылардың марапатқа бөленген балалары

2017 жылы қазанның 27-сі күні Түркіменстанның Тәуелсіздік күні мерекесінде әскери қызметкерлер осы елдің президенті Бердімұхаммедовтің әкесінің атындағы медальмен марапатталды. Марапатталғандар арасында Түркіменстан президенті Гурбангулы Бердімұхаммедовтің баласы, майор Сердар Бердімұхаммедов те бар. Орталық Азия елдерінде мемлекет басшыларының балалары жиі марапатталады. Қазақстан президенті Назарбаевтың екі қызы Дариға Назарбаева мен Динара Құлыбаева "Парасат" ордендерімен, күйеубаласы Тимур Құлыбаев "Барыс" орденімен марапатталған.