28 қарашада Астанада жабық өтіп жатқан сот процесінде азаматтық белсенді Марат Жыланбаев соңғы сөзін айтты. Бұл туралы оның адвокаты Мейіржан Досқараев хабарлады. Оппозициялық белсендінің жақтастарын да, журналистерді де сотқа кіргізбеді.
Зорлық-зомбылыққа ұшырағандарға жәрдемдесетін "НеМолчи.kz" қорының жетекшісі Дина Смайылова қылмыстық қудалауға тап болды. Ұйымның шоттары бұғатталған. Смайылованың адвокатына іс материалдарын көрсетпей отыр. Қорға қайырымдылық қаражатын аударған адамдарды полицияға шақыртып жатыр.
Қазақстан президенті Қасым-Жомарт Тоқаевтың әкесі Кемел Тоқаев совет дәуірінде жазушы болған. Бірақ қазір оған мақтау мен мадақтың жиілеуі бірінші президент Нұрсұлтан Назарбаевтың жеке басы көп жыл бойы қалай дәріптелгенін еске салды. Қоғамда "ескі дерт" қайта қозды ма деп сынап жатқандар да бар.
Нұржан Әлтаев пен Марат Жыланбаев – бір-біріне ұқсамайтын оппозициялық қайраткерлер. Бірі – бұрынғы шенеунік, екіншісі – жүйеден тыс адам. Алайда Қазақстан билігі өзіне қарсы шыққандарға бір ғана амал қолдануды әдет етіп алғандай.
Еуропа одағы Ресейдің Украинаға қарсы соғысына көмектесіп отырған компанияларға салатын санкциялардың жаңа пакетін дайындады. Оған Орталық Азиядағы үш кәсіпорын – екі қазақстандық және бір өзбекстандық компания да кірген. Бірақ тізімде Қытай фирмалары жоқ.
Қазақстан президенті Қасым-Жомарт Тоқаев 2022 жылы наурызда саяси партияларды тіркеу талаптарын "жеңілдеткен". Содан бері жаңадан екі партия тіркеліп, оның бірі мәжіліске өтті. Ал билікті үнемі сынап жүрген партиялар түрлі себеппен тіркеуден өте алмай отыр. Олар мұның саяси астары бар десе, әділет министрлігі құжаттар "заң талабына сай емес" дейді, бірақ қай талаптың қалай бұзылғанын ашып айтпайды.
Саясаттанушы Димаш Әлжанов Азаттыққа берген сұхбатында Владимир Путиннің Қазақстанға сапары мен мақсаты, әскери агрессиясы үшін шеттетілген елге айналған Ресеймен ынтымақтастықты кеңейтудің қатерлі салдары және Астананың солтүстік көршісімен қарым-қатынастағы позициясының әлсіздігі туралы ойын айтты.
9 қарашада Ресей президенті Владимир Путин Қазақстанға ресми сапармен келді. Астана әуежайында оны Қазақстан президенті Қасым-Жомарт Тоқаев күтіп алды.
"Дәстүрлі қоғам көп нәрсені қабылдай алмайды" дейді ресейлік жазушы Олжас Жанайдаров. Оның пьесасында гомосексуализм пропагандасы бар-мыс деген шудан соң Қазақстанда қойылым көрерменге жете алмай қалды. Азаттық тілшісі мәскеулік автормен сұхбат құрып, шығармашылығы, түп-тамыры мен соғыс бастаған елдегі өмірі туралы сұрады.
Түркия Ресейдің Украинамен соғыстан бас көтере алмай жатқанын пайдаланып, Орталық Азияда ықпалын күшейтуге тырыса ма? Түркі елдері ынтымақтастығының, әсіресе әскери салада болашағы бар ма? Азаттық Солтүстік Кипрдегі Таяу Шығыс университеті саясаттану кафедрасының доценті Әсел Тутумлумен әңгімелесті.
Қазақстан ауыл әкімдерін сайлаудан соң іле-шала аудан мен облыстық маңызы бар қалалар әкімін тікелей сайлауға дайындалып жатыр. Астана мұны биліктің бір орталыққа шоғырлануының алдын алатын шара деп есептейді. Бірақ жергілікті жұрттың қалауын жоққа шығаратын амалдар да бар екен.
Кремль Израиль мен ХАМАС арасындағы жанжалды өз мүддесіне пайдалануға тырысып, Батыс елдерін сынап, палестиналық содырлар делегациясын қабылдады. Дағыстан әуежайындағы бүлік Мәскеудің Таяу Шығыстағы күштер балансын өзгертуі Ресейдің өзіне қауіпті болуы мүмкін екенін аңғартты.
Тағы