Қазақстан "Талибанды" не себепті террористік ұйым тізімінен шығарып тастады? Тәліптермен қарым-қатынаста Қазақстанға не береді? Астана қандай тәуекелге барып отыр және қандай жағдайда тәліптер билігін мойындауы мүмкін? Азаттық бұл туралы Орталық Азияны зерттеуші, журналист Брюс Панниермен сөйлесті.
Саид Максимов Instagram желісінде Қазақстандағы ұйғырлар қауымының басын қосу мақсатымен Digital Yurt ("Цифрлы киіз үй") жобасын бастаған. Жоба аз ғана уақыт ішінде көптің қолдауына ие болғанына өзі де таңғалғанын айтады.
Қазақстанда қазір бұрынғы ҰҚҚ төрағасы, қорғаныс министрі, әділет министрі, мәдениет министрі және бірсыпыра вице-министр түрмеде отыр. Әртүрлі дәрежедегі әкімдер, тіпті премьер-министр абақтының дәмін татып қайтты. Азаттық талдауы олардың көбі мерзімінен бұрын шартты түрде босап шығатынын көрсетті.
Өткен аптада Украина президенті Владимир Зеленский "Орталық Азия басшылары Кремльден жасқанып, Ресейді қолдап отыр" деген пікір айтты. Кей сарапшылар Мәскеу Украинаға басып кіргелі Ресейдің аймақтағы ықпалы әлсіреді десе, енді біреулері Зеленскийдің сөзінің жаны бар деп есептейді.
Жақында Маңғыстау облысында бүкіл күштік құрылымдардың басшылары мен облыс әкімі аяқ астынан қызметтен алынды. Елдегі наразылық ошағына айналған өңірдегі кадр жаңарту немен байланысты болуы мүмкін?
Жыл сайын жүздеген мың қырғыз азаматы шетелге, көбіне Ресейге жұмыс іздеп кетеді. Ал Қырғызстанда Оңтүстік Азиядан жұмысқа келгендер көбейе бастады. Өткен аптада Бішкектегі ксенофобиялық шабуылдың бір себебі шетелдік жұмысшылардың көбеюіне наразылық болуы мүмкін. Одан басқа факторларға жемқорлық, еңбек нарығының дұрыс реттелмеуі, жергілікті адамдардың көбірек жалақы алуы жатады.
Әлемдік бейнебақылау камералары нарығында Қытайдың технологиялық компаниялары үлкен үлеске ие. Олардың негізгісі – Hikvision мен Dahua Technology. Бұл екі компания әлемнің басқа елдері сияқты Қазақстанда да кеңінен қолданылады. Кейбір Батыс елдері оларды пайдалануға ішінара шектеу қойған.
Жаңа журналистік зерттеу қазақстандық шенеуніктер, саясаткерлер және олардың туыстары Араб Әмірліктерінде миллиондаған долларға жылжымайтын мүлік сатып алғанын анықтады. 70-тен астам елдің журналистері Дубайдағы мыңдаған нысан жөніндегі деректерді талдап, зерттеген. Олардың қолына негізінен 2020 және 2020 жылдары жасалған келісімдер туралы құжаттар түскен.
13 мамырда Алматы соты журналист Жәмила Маричеваның ProTenge Telegram арнасында Азаттық радиосын қолдап жазған жазбасын "жалған ақпарат" деп тауып, авторға 74 мың теңге айыппұл салды. Арыз берген полицей жазбаның қай тұсы "жалған" екенін білмей шатасты. Ал заңгер мен журналист мұны "сөз еркіндігіне қысым" деп біледі.
Грузия футболшылары 26 наурызда Еуропа чемпионатының іріктеу кезеңінде Грекияны жеңіп, ұлт қаһармандарына айналды. Биыл жазда Грузия алғаш рет Еуропа чемпионатына қатысады. Ұлттық құраманың кей ойыншылары "Шетел ықпалының ашықтығы туралы" заң жобасы мен полицияның наразыларға күш қолдануын сынап, белсенді ұстаным білдіріп жатыр.
Президент Тоқаев қазақстандық Forbes тізіміндегі кәсіпкерлер тасқыннан зардап шеккен "әр облыс, аудан, ауылға" қамқоршы ретінде бекітілетінін және "нақты жауапкершілік" арқалайтынын айтты. Кәсіпкерлер қарсы келген жоқ, кейбірі ақша аударып тастады. Сарапшылар "олардың басқа амалы жоқ" дейді.
"2023 жылы күллі әлемде адам құқықтары ахуалы бойынша кері кету байқалды. Қазақстанда пікір білдіру, бейбіт жиын өткізу мен бірлесу құқығы бұрынғыдай негізсіз шектелді". Amnesty International құқық қорғау ұйымы 24 сәуірде жарияланған адам құқықтары жөніндегі жыл сайынғы баяндамасында осылай дейді.
Тағы