ҚАҢТАР ОҚИҒАСЫ

Алматыда 25 қаңтаршының соты аяқталуға жақын

Алматыда Қаңтар оқиғасы бойынша айыпталған 25 адамның сотында жарыссөз басталды. Прокурор айыпталғандарды түгел кінәлі деп тануды, 13 адамға шартты жаза тағайындап, өзгелерін екі жылдан төрт жылға дейін түрмеге қамауды сұрады.

Күдебаевқа үкім шықты. Ол бірнеше күн бұрын Түркиядан елге жеткізілген

Назарбаевтың сенімді серігі қалай "Иудаға" айналды? Кәрім Мәсімовтің хикаясы

Тәуелсіздік жылдары Қазақстандағы ең ықпалды саясаткерлердің бірі болған Кәрім Мәсімов мемлекетке опасыздық жасады деген айыппен 18 жылға сотталды. Билік Қаңтар қырғыны үшін бар кінәні қауіпсіздік комитетінің бұрынғы басшысына аудара салды ма?

Ермұрат Бапи: Мәсімовке кінә артып, Самат Әбішті құтқарып қалды

Мәжіліс депутаты Ермұрат Бапи ҰҚК экс-басшысы Кәрім Мәсімовке ("мемлекетке опасыздық жасады" деген айыппен 18 жылға сотталды) шыққан сот үкіміне қатысты пікір білдірді. Ол билік Мәсімовті соттау арқылы экс-президент Нұрсұлтан Назарбаевтың жақыны Самат Әбішті құтқарып қалды деп есептейді.

"Қызметі өскен, түк болмағандай жүр". Қаңтарда азапталғандардың ісін тергеу неге баяу?

Прокуратура елде азаптау қылмысы бойынша 220 іс тергеліп жатқанын айтты. Құқық қорғаушылар Қаңтар оқиғасынан соң адам азаптаған күш құрылымдары қызметкерлеріне қарсы ашылған істердің көбі жабылғанын сынайды. Күш құрылымдарының азаптауынан өткендер кінәлілер жазадан сытылып кете ме деп қауіптенеді.

6 жыл шартты жаза, қоғамдық-саяси қызметпен айналысуға тыйым. Жанболат Мамайға үкім шықты

Алматыда сот Қаңтар оқиғасы кезінде "жаппай тәртіпсіздік ұйымдастырған" деп айыпталған, тіркелмеген Демпартияның лидері Жанболат Мамайды 6 жылға шартты түрде бостандығынан айырып, сонша мерзімге қоғамдық қызметпен айналысуына тыйым салды. Мамай "саяси астары бар" үкімге келіспейтінін мәлімдеді.

"Ұлының азапталғанын шешесі көтере алмады". Алмас Мұқашев әулетінің қасіреті

"Әуежайды басып алу" ісі. Адвокаттар сотты қазақша жүргізуді сұрады, судья көнбеді

30 наурызда Алматыда "Қаңтар оқиғасы кезінде әуежайды басып алу" ісі бойынша бес адамның соты басталды. Олар тағылған айыпты мойындамайды. Судья істі алқабилер қарауына беруді, абақтыда отырған төрт адамды үйқамаққа ауыстыруды, процесті қазақша жүргізуді сұраған адвокаттардың өтінішін орындамады.

"Қамаудағыларды үтік, инемен азаптаған". Amnesty Қаңтарда адам құқығы көп бұзылғанын айтады

Amnesty International құқық қорғау ұйымы әлемдегі адам құқығының ахуалы туралы 2022 жылғы есебінде Қазақстанда Қаңтар оқиғасы кезінде адам құқығы бұзылып, азаптау, заңсыз қудалау күшейгенін жазады. Халықаралық ұйым есебінің Қазақстанға қатысты бөлігінде не айтылғанын шолып шықтық.

Жоғарғы сот дереу босатуды бұйырған белсендіні түрме әкімшілігі шығармай отыр

Жоғарғы сот "Жаппай тәртіпсіздік" бабымен түрмеге кесілген шымкенттік белсенді Жанмұрат Аштаевты толық ақтады. Аштаев – Қаңтар оқиғасына байланысты сотталып, Жоғарғы сот ақтаған алғашқы адам. Сот "дереу босталсын" деп шешім шығарса да, түрме әкімшілігі оны әлі қамауда ұстап отыр.

Талдықорғанда азапталғандар әділдік талап етеді

Қаңтар оқиғасынан кейін Талдықорғанда азапталғандар Алматыда баспасөз мәслихатын өткізіп, әділ тергеуді талап етті. Олар азаптаушылардың кейбірі әлі анықталмағанын айтады. Адвокат іс сөзбұйдаға салынып кетті дейді.