АУҒАНСТАНДАҒЫ АХУАЛ

Тәліптер билікке келуін келді, бірақ елді ұстап тұра ала ма?

Тамызда "Талибан" қозғалысы Ауғанстанда өз билігін орнатқанда, бұлай боларын ешкім күтпеген еді. Бірақ тәліптер билікке келген соң біршама қиындыққа тап болды. Ел халықаралық көмектен қағылып, экономикалық ахуал ауырлады. "Ислам мемлекеті" лаңкестік тобы да тәліптерге қауіп төндіре бастады.

Ауғанстаннан кеткен АҚШ-тың орнын аймақтағы алпауыттар баса ма?

Батыс елдері Ауғанстанда жиырма жыл болды. Қазір "Талибан" билік орнатқан елде АҚШ пен оның одақтастары жоқ. Енді олардың орнын Ресей мен Қытай секілді ірі державалар басқысы келеді. Кей сарапшылар бұл аймақ Батысқа қарсы орталыққа айналуы мүмкін деген болжам айтады.

Ауған әйелі Кабул қыздарына арналған жасырын мектеп ашты

"Қиналып кеттік, елге жете алмай қалдық". Ауғанстандағы туыстарын әкетуге барған қазақтардың машақаты

Тәліптер Ауғанстандағы өзбектер мен түркімендердің жерін тартып алды ма?

"Талибанға" Ауғанстанның солтүстігіндегі Жауызжан провинциясында тұратын жүздеген өзбек және түркімен азаматын күштеп көшірді деген айып тағылды. Пана іздеуге мәжбүр болғандардың айтуынша, пуштундар тәліптердің көмегімен өзбектер мен түркімендерді үйлерінен қуып, жерлерін тартып алған.

Тәліптер енді заңгерлердің соңына түсті. Ауған сотын не күтіп тұр?

"Талибан" мыңдаған адвокатты лицензиясынан айырып, жұмыс істеу үшін әділет министрлігінен рұқсат алу керегін мәлімдеген. Сарапшылар әділ соттың келмеске кететінін айтады.

"Телефоннан музыка мен видео тапса жазалайды". "Талибан" тепкісіндегі өмір

Тәліптер көшеде өткен-кеткен кісіні тоқтатып, телефонын тексереді. Егер музыка немесе видео тапса, әлгі адамды ұрып-соғып, смартфонын тартып алады немесе көзін жояды дейді Азаттық сөйлескен ауған азаматтары. Талибанның кей мүшелері мұны жоққа шығарса, кейбірі мойындайды.

Тәліптермен кездескен шетелдік делегацияның ешбірі қатарына әйелді қоспаған

Шет мемлекеттер мен халықаралық ұйымдар Ауғанстанға жіберген делегациясына бірде-бір әйелді қоспағаны үшін сынға қалып отыр. Құқық қорғаушылар мұны тәліптерге мойынсұну деп бағалады.

Ауған халқына суық пен аштық қаупі төніп тұр

Ауғанстанға батыс уәде еткен көмектің бір бөлігі келді. Бірақ аштық қысқан, баспанасынан айырылған жұрт ол «көмекке жете алмай қаламыз ба» деп қорқады.

Ауған қазақтары Кабулда қайыршы көбейгенін айтады

Халықаралық ұйымдар айтқан аштық пен жоқшылықты Ауғанстанда тұратын қазақтар да бастан өткізіп жатырмыз дейді. Олар Қазақстан үкіметінен қыс түспей елге алып кетуді сұрайды.

Тәліптер ауған сәләфтарын қыса бастады. Мұның астарында не жатыр?

Тәліптер "Ислам мемлекетінің" Хорасан тобымен күресті үдетіп, елдегі сәләфтарды қудалап жатыр. Сарапшылар мұны Ауғанстандағы соғыстың жаңа кезеңі деп атаса, халық шиеленіс соңы қантөгіске ұласа ма деп алаңдайды.