Кешелі бері Қазақстан астанасында Шанхай Ынтымақтастық Ұйымына (ШЫҰ) мүше елдердің саммиті өтіп жатыр. Оған қатысуға басқа басшылармен қатар Қытай төрағасы Си Цзиньпин мен Ресей президенті Владимир Путин келді. Осы жолы ұйым құрамына Беларусь қосылмақ.
Украина астанасы Киевте қастандыққа ұшырып, басына оқ тиген белсенді Айдос Садықов арада 13 күн өткенде ауруханада көз жұмды. Марқұмның отбасы қылмысқа тапсырыс беруші ретінде Қазақстан билігін айыптайды. Президент Тоқаевтың баспасөз қызметі әлдебір сыртқы күштердің бар екенін айтқан.
Футболдан Германиядағы Еуропа чемпионатының 1/8 финалында Португалия Словения құрамасын пенальти сериясында жеңіп, ширек финалға шықты. Енді Роналду бастаған Португалия Франция құрамасымен жартылай финал жолдамасын сарапқа салады.
Грекияның Идра аралындағы орман өртіне байланысты жергілікті прокуратура Қазақстанның 8 азаматына «моралдық тұрғыда қатысы бар» деп, іс қозғады. Оқиғадан 10 күн өткенде «өрттің шығуына себеп болды» делінген қымбат яхтаны жалға алған қазақстандық кәсіпкер арнайы мәлімдеме жасады.
Қазақстанда әділетсіз сот үкімінен зардап шеккен азаматтар қозғалысы істерін қайта қарау үшін арнайы комиссия құруды талап етіп отыр. Олар президент Қасым-Жомарт Тоқаев "Әділетті Қазақстан" құруға уәде берсе де, қазіргі сот жүйесі іске жарамайтынын айтады.
Қарақалпақстанның егемендігі мен Өзбекстан құрамынан шығу құқығы туралы баптарды Конституциядан алып тастауға бейбіт қарсылықты билік күшпен басып, аяғы үлкен қантөгіске ұласқан Нөкіс оқиғасына биыл екі жыл толды.
Англия әупірімдеп жүріп, Еуропа чемпионатының ширек финалға шықты. Грузия Испаниядан жеңіліп, жарысты 1/8 финалдан аяқтады.
Азаттықтың Әзербайжан қызметі – Азадлыг жүргізген зерттеу Каспий теңізінің жағалауына салынған элиталық үйлерді "заңдастыру" туралы жақында қабылданған заң небір қызыққа толы екенін көрсетті. Бұл президент Илхам Әлиевтің бұрынғы күйеубаласы Эмин Агаларов пен ресейлік олигархтың Каспий теңізінде Caspian Dream Liner деп аталатын зәулім кеме салу жобасын бастаған ұлына тиімді болып отыр.
Қырғызстанның Ош облысында тасқын салдарынан сегіз адам мерт болған. Оның төртеуі – кәмелетке толмаған қазақстандық балалар.
Тағы
