Ержан Азаттықтың Астана бөліміне 2015 жылғы қаңтарда телеоператор болып қосылды. "Ирбис-ТВ" мен КТК телеарналарында жұмыс істеген. Павлодар мемлекеттік университетін бітірген.
Қазақстанда кейінгі жылдары әкімдер мен министрлердің, депутаттардың жалақысы жиі сөз болып жүр. Қоғамда аталған шенділердің қандай айлық алатыны туралы азды-кем түсінік бар. Бірақ президенттік басқару формасындағы елде мемлекет басшысының жалақысы неге жария емес?
Маңғыстау облысы Жетібай кентіндегі кен орнын күзетін жүздеген адам наразылыққа шықты.
2020 жылы шілдеде Астанада экс-президент Нұрсұлтан Назарбаевтың туған күні қарсаңында қойылған ескерткіш алынып тасталды. Бұл туралы бүгін әлеуметтік желіде тараған суреттерден белгілі болды. Кезінде Елбасы атында болған әскери университет Назарбаевтың мүсіні не себептен алғанын түсіндірмей отыр.
Түрмедегі Қайрат Сатыбалды былтыр ағасы Нұрсұлтан Назарбаевқа сыйға тартқан Үшқоңыр резиденциясы орналасқан аумаққа мәжіліс депутаты барып, күзет қойылған қоршаудан өте алмаған. Былтыр Азаттық аумақтағы 10 мың гектар жердің Нұрбол Назарбаевқа қарайтынын зерттеп, жариялаған еді.
Қазақстанда 1 қаңтардан бастап мобильді аударымдарға шектеу қойылды. Бұдан былай бір адамның шотына бір айда 100-ден астам адамның шотынан ақша түссе, ол бақылауға алынады. Осыдан соң көп жерде жұрт қолма-қол ақша талап ете бастады. Бұған жұрт не дейді?
Қазақстанда теміржолда істейтін жұмысшылар жалақыны көтеріп, еңбек жағдайын жақсартуды талап етіп, әлеуметтік желіде үндеу жариялай бастады. Құрал-сайман ескіргенін, тынығатын орындардың талапқа сай емесін айтқан теміржолшылар салада "былық көп" дейді.
21 желтоқсанда Чехия астанасы Прага халқын суыт хабар аяғынан тік тұрғызды. Қала орталығындағы университет ғимаратында қару ұстаған жігіт 14 адамды атып өлтірген. Оған дейін әкесін мерт қылғаны хабарланды. Қарулы шабуылдан соң ол өзіне қол салған.
Маңғыстау облысы Жетібай кентінде 11 желтоқсанда басталған ереуіл әлі тоқтаған жоқ. West Oil компаниясының жұмысшылары "Қазмұнайгаз" ұлттық компаниясына ауыстыруды, бірыңғай еңбекақы төлеу жүйесін енгізуді және ескірген көлік-техниканы жаңартуды талап етеді.
Өткен аптада АҚШ-тан әскери көмек ала алмай құрқол қайтқан Владимир Зеленский кеше Еуропа одағына да қаражат бөлгізе алмады. 50 миллиард еуро көмекке Венгрия қарсы болған. Дегенмен Украина Молдовамен қатар Еуроодаққа кіруге бір табан жақындады.
Биыл күзде Астанада Қазақстан мен Ресей президенттері кездескеннен кейін, Өскемен, Семей мен Көкшетауда ресейлік компания жылу электр станцияларын салатыны мәлім болды. Энергетика министрі Алмасадам Сәтқалиев болашақ ЖЭС-тер көмір жағатынын айтты. Экологтар қоршаған ортаға зиян ЖЭС салуға қарсы.
2021 жылы Шығыс Қазақстан облысы Глубокое кентінде "еуропалық технология” бойынша жылыту қазандығы салынуға тиіс болған. Мемлекеттен 1,6 млрд теңге қаржы да құйылған. Бірақ әзірге нәтиже жоқ. Қиялдағы жылыту қазандығының тек темір қаңқасы тұр. Тұрғындар от жағудың азабын айтып шағынады.
Қаңтар оқиғасынан бері "Назарбаевтан арылу" процесі жүріп жатқандай әсер бар. Билік бұрынғы президентті қандай атақ, артықшылықтан айырды? Назарбаевта не қалды? Оның иелігіндегі қор, мүліктер ше? Азаттық шолып шықты.
Қаңтар оқиғасында Таразда “ҰҚК подполковнигін өлтірді” деп 16 жылға сотталған Ербол Жұманов айыпты мойындамайды. Бақылау камерасындағы жазбаларды қолына түсірген оның ағасы “ҰҚК мен әскер “атысқан”, офицер сол кезде мерт болған" дейді. Бірақ сот нұсқасы басқа. Азаттық іс материалдарына шолып шықты.
Оралбай Әбдікәрімов Нұрсұлтан Назарбаевтың билігі тұсында президент әкімшілігінің жетекшісі, сенат спикері және мемлекеттік хатшы қызметтерін атқарған. Азаттыққа берген сұхбатында ол Қазақстанның жеткен жетістіктері мен сәтсіздіктерін атап өтті.
Қазақстандықтар бірнеше күннен бері Костенко шахтасында опат болған құрбандарды аза тұтып жатыр. Ақындар жоқтау өлең арнап, қара жамылған отбасыларға көңіл айтса, кейбір желі қолданушылары трагедияға билікті кінәлады.
Атырауда отызға жуық әйел әкімдікке барып, әлеуметтік талап қойды. Олар биліктен баспана мәселесін шешіп, жәрдемақыны көбейтуді сұрады. 25 қазан күні Аягөздегі өрттен мерт болған төрт баланың өлімін еске алған тұрғындар мұндай трагедияға жоқшылық себеп болатынын айтты.
Мәжіліс депутаты әрі заңгер Абзал Құспан Азаттыққа сұқбат беріп, партияларды тіркеу мен бейбіт жиналыстарды өткізу заңының орындалуындағы қайшылықтарды түсіндірді. Сонымен бірге парламенттің ықпалы, оппозициялық белсенділерді қудалау мен Қаңтар оқиғасы турасындағы сұрақтарға жауап берді.
Израиль Газа секторын тоқтаусыз бомбалап, атқылап жатыр. Тіпті өткен түні танкілерін де кіргізгені хабарланды. Бірақ әлі жаяу әскер шабуылын толық бастамаған. Ал Газада күніне жүздеген адам өледі.
25 қазан күні Астанада қуғындағы банкир Мұхтар Әблязов шақырған митингіге санаулы адам келді. Олар биліктен митинг өткізуге рұқсат ала алмай жүргендерін айтты. Маңайды күзеткен құзырлы орган өкілдері өткен-кеткендердің көбін тексерді, бір-екі адамды ұстап әкетті.
Тағы
