Украина қалаларында Ресейде сот ісін қарап жатқан украиналық әскери қызметші Надежда Савченкоға бостандық беруді талап еткен акциялар өтіп жатыр. Украина Жоғарғы Радасының депутаты және Рададан Еуропа кеңесі Парламенттік Ассамблеясына делегат болып сайланған Савченкоға Ресей тергеу орындары 2014 жылы Украинаның Луганск қаласы маңында болған ресейлік екі журналистің қазасына қатысты айып таққан. Айыптау тарабы соттан Савченконы 23 жылға бас бостандығынан айыруды сұраған. Надежда Савченко өзіне тағылған айыптарды жоққа шығарып, ресейлік журналистер опат болған атысқа өзінің қатысы жоқ екендігін мәлімдеген.