Донецк облысындағы Пески кентін бақылауда ұстап отырған украиналық әскерилер ондағы алғы шептен ұзаққа созылған қарулы қақтығыстан әбден бүлінген, сепаратистер қолындағы Донецк әуежайы территориясын қадағалайды. Бір кездегі бақуатты Пески бүгінде қираған үйлер ғана қалған елес қалашыққа айналған. Ол үйлердің кейбіріне украиналық әскерилер «жайғасқан». Азаттықтың Украина қызметінің фотогалереясы.
Елеске айналған кент
1
Алғы шептегі «Позиция 18» деп аталатын ғимарат жанындағы әскерилер тобы. Бұл жерді соңғы айларда сепаратистер үнемі нысанаға алады.
2
Үзіліс уақытында кофе ішіп, темекі тартып тұрған украиналық 93-дербес механикаландырылған бригаданың әскери қызметкері. «Позиция 18» ғимаратына әскерилер Псков селолық кеңесінің атауы бар жазуды іліп қойған.
3
Қарулы жанжал кезінде «Позиция 18» ғимаратына алғаш рет «ОУН» еріктілер батальоны орналасты. Қоқыс тастайтын жәшіктегі граффити алғы шепте кімдер болғанынан сыр шертеді.
4
Артиллерия мен минометтерден, атыс қаруынан атқылаудан ғимараттың қабырғасы мен шатырының сау тамтығы қалмаған.
5
«Ұлт жасасын!» деген граффитидің қасында темекі тартып тұрған украиналық 93-дербес механикаландырылған бригаданың әскерилері. Олардың кейбірі Украинаның шығысындағы жанжалға Батыс елдері енжарлық таныта бастады деген пікір айтады.
6
Бір кездегі бақуатты елдімекен болған Пески кенті бүгінде қираған үйлер ғана қалған елес қалашыққа айналған.
7
Әскери техникаға жапсырылған Украина мемлекеттік гербі.