БҰҰ Бас ассамблеясына қатысуға және АҚШ президенті Барак Обамамен кездесуге Нью-Йоркке келген Ресей басшысы Владимир Путинге жергілікті белсенділер наразылық білдірді. Олар әсіресе Ресейдің Украинадағы саясатына наразы.
Нью-Йорк белсенділері Путинді қарсы алды
1
Нью-Йорк белсенділері Ресейдегі саяси тұтқындарды босатуды, егемен елдердің шекараларын қалпына келтіруді, Украинаның шығысында атып құлатылған Малайзия жолаушылар ұшағы апатына байланысты халықаралық трибунал өткізуді талап етті.
2
Жексенбі, яғни қыркүйектің 27-сі күні Путинге қарсы бірнеше жүз наразы БҰҰ-дағы Ресей елшілігі кеңсесі алдына плакаттар көтеріп келді.
3
Наразылар арасында АҚШ-тағы Украина диаспорасы өкілдері де болды.
4
Ресей саясатына қарсылық шарасына АҚШ-тағы басқа да қауым өкілдері қосылды.
5
Ресей президентінің АҚШ-қа келуіне деген қарсылықтарын Нью-Йорктегі жыныстық азшылық (ЛГБТ) белсенділері де білдірді. Олар Владимир Путинді гомофоб деп айыптады.
6
Наразылық шарасын АҚШ-та тұратын этникалық орыстар да қолдады.
7
Наразылар арасынан белорус диаспорасы өкілдерін де ұшырастыруға болады. Кейбір белсенділер Беларусь президенті Александр Лукашенко саясатын айыптайтын плакаттар ұстап келді.
8
Қарсылық шарасындағы бір ұран: Putin to trial ("Путин сотқа тартылсын!").
9
БҰҰ Бас ассамблеясы отырысына әлемдік лидерлердің көбі барған. Олардың арасында Рим папасы, Ресей, Қытай, Иран, Германия басшылары бар.