Киевте жыныстық азшылық (ЛГБТ) өкілдері шеруге шықты. Бір адамға бес полицейден келді.
Киевтегі теңдік маршы
1
Шеруге мыңға жуық адам қатысты. Оларды бес мыңдай полиция қызметкері күзетіп жүрді.
2
Маршқа шыққан ЛГБТ (лесби, гей, бисексуал, трансгендер) бұл шараны өткізуге қарсы топпен ұшырасып қалмау үшін шерудің маршрутын өзгертті.
3
Шеруге шыққандар "Көтеріл, сүй, құқықтарыңды таптатпа!", "Адам құқығы бәрінен биік!", "Еліміз бәріміз үшін" деген ұрандарды айқайлады.
4
Мұндай шеруге қарсы адамдар ЛГБТ өкілдерінің туын тартып алуға, оны өртеуге тырысты.
5
Киев орталығында 200-дей әсіреұлтшыл белсенді шеруге бөгет жасауға тырысты. Олар көшені жауып тастауға талпынды.
6
Полицияның екі қызметкері жеңіл жарақат алды.
7
Шеруге келгендерден полиция бірнеше бояу баллондарын тәркіледі.
8
Ал шеруге қарсы топтан пиротехникалық заттар алынды.
9
Шеру басталғаннан үш сағат өткенде жыныстық азшылық маршына белгісіз біреулер шабуыл жасады. Олар бір адамның бетіне газ бүркіп, енді бір адамды ұрды.
ПІКІРЛЕР