Мамырдың 1 -і күні Алматы мен Нұр-Сұлтанда мерекелік шара өтіп жатқан жерге жүзге жуық адам жиналып, билікке наразылықтарын білдірді. "Сайлауға - бойкот!", "Әділ сайлау талап етеміз!", "Масқара!" деп айғайлаған топқа прокуратура өкілдері ескерту жасады. Нұр-Сұлтан мен Алматыда арнайы жасақ өкілдері наразылыққа келген ондаған адамды ұстап әкетті. Нұр-Сұлтанда наразыларды ұстау кезінде арнайы жасақ өкілдерінің кейбір адамдарды резеңке таяқпен ұрғаны байқалды. Сәлден соң арнайы жасақ өкілдері наразыларды резеңке таяқпен ұруды дереу тоқтатты. Кейін наразы халықтың алдына прокуратура өкілдері шығып, "бұл заңсыз митинг екенін, тарамаса, жауапқа тартылатынын" ескертті. Жиналғандар полициядан ұсталғандарды босатуды талап етті. Халық алдына келген полиция өкілі "бір сағат ойларыңызды айтуға рұқсат бердік. Енді тараңыздар. Ал ұстаған адамдарды босатамыз" деді. Сәлден соң полиция ұсталғандарды босатты. Бірақ кейінірек оларды қайта ұстады. Азаттық оқиға орнынан түсірілген суреттер топтамасын ұсынады.
Алматы мен Нұр-Сұлтанда жүздеген адам наразылыққа шықты
1
Нұр-Сұлтанда наразы тұрғындар "Астана" концерт залының маңына жиналды. 1 мамыр 2019 жыл.
2
"Халық шаршады. Балаларымыздың біз сияқты ауыр жағдайда өмір сүргенін қаламаймыз. Үкімет кетсін!" деді наразы тұрғындар. Нұр-Сұлтан, 1 мамыр 2019 жыл.
3
Наразылыққа жиналғандар "Тоқаев біздің президент емес. Нұр-Сұлтан біздің қала емес" деп айғайлап, ұрандатты. Нұр-Сұлтан, 1 мамыр 2019 жыл.
4
Наразы азаматтар әлеуметтік проблемаларын да айтып шағымданды. Нұр-Сұлтан, 1 мамыр 2019 жыл.
5
Азаматтар биліктің "халықтың жағдайын жақсартамыз" деген уәдесінен шаршағанын, бұдан әрі шыдау мүмкін емес екенін айтты. Нұр-Сұлтан, 1 мамыр 2019 жыл.
6
Жиналғандар 9 маусымда өтетін президент сайлауына бойкот жариялауға шақырды. Нұр-Сұлтан, 1 мамыр 2019 жыл.
7
Түске қарай Нұр-Сұлтандағы наразылық шарасына келгендер саны көбейді. 1 мамыр 2019 жыл.
8
Наразы тұрғындар. Нұр-Сұлтан, 1 мамыр 2019 жыл.
9
Түстен кейін Нұр-Сұлтанда арнайы жасақ наразылыққа келген ондаған адамды ұстап әкетті. Наразыларды ұстау кезінде арнайы жасақ өкілдерінің кейбір адамдарды резеңке таяқпен ұрғаны байқалды. Сәлден соң арнайы жасақ өкілдері наразыларды таяқпен ұруды дереу тоқтатты.
10
Наразылыққа келгендерді арнайы жасақ өкілдері қоршады.
11
Наразылыққа шыққан тұрғындар жанында тұрған арнайы жасақ өкілдері.
12
13
Полиция ұсталған азаматтарды автобусқа отырғызып жатыр. Нұр-Сұлтан, 1 мамыр 2019 жыл.
14
Наразылыққа жиналған халық. 1 мамыр 2019 жыл.
15
Прокурор наразылық шарасының әкімдік рұқсатынсыз өтіп жатқанын айтып, жиналғандарды таратуға тырысты. Нұр-Сұлтан, 1 мамыр 2019 жыл.
16
Наразылық шарасын түсіріп тұрған адамдар. Нұр-Сұлтан, 1 мамыр 2019 жыл.
17
Полиция қызметкерлері және арнайы жасақ өкілдері. Нұр-Сұлтан, 1 мамыр 2019 жыл.
18
19
Жиналғандар ұсталғандарды босатуды талап етті. Нұр-Сұлтан, 1 мамыр 2019 жыл.
20
21
Шеруге жиналғандар ұсталғандарды босатуды талап етіп, айғайлады. Нұр-Сұлтан қалалық полиция басшысы оларға "ұсталғандарды босатамыз, бірақ егер сіздер осы жерден кетпей, шеруді жалғастырсаңыздар, онда ұстаймыз" деп ескертті. Нұр-Сұлтан. 1 мамыр 2019 жыл.
22
Қалалық полиция басшысы автобустағы азаматтарды босату туралы бұйрық берді. Сәлден соң автобус есігі ашылып, ұсталғандар сыртқа шықты. Нұр-Сұлтан, 1 мамыр 2019 жыл.
23
Полиция ұстаған азаматтар сәлден соң босатылды. Нұр-Сұлтан, 1 мамыр 2019 жыл.
24
Бірақ арнайы жасақ өкілдері сәл кейінірек наразылыққа шыққандарды қайта ұстай бастады. Нұр-Сұлтан, 1 мамыр 2019 жыл.
25
"Не үшін азаматтарды ұстап жатсыздар?" деген Азаттық тілшісінің сұрағына Нұр-Сұлтан қалалық полиция департаменті өкілдері "олар заңды бұзды" деп жауап берді. Нұр-Сұлтан, 1 мамыр 2019 жыл.
ПІКІРЛЕР