Ақ үй Вашингтон мен Еуропадағы одақтастар келіскен жаңа схема бойынша Украинаға алғашқы қару-жарақ пакетін жіберуді мақұлдады, жақын арада ол Киевке жөнелтілуі мүмкін. Бұл жөнінде жағдайдан хабары бар екі дереккөзге сүйенген Reuters жазды.
Reuters-тің жазуынша, Пентагон жетекшісінің саясат бойынша орынбасары Элбридж Колби әрқайсысының құны 500 млн доллар болатын Priority Ukraine Requirements List механизмі (PURL) бойынша қару-жарақ жеткізуді мақұлдаған. Нақты қандай қару-жарақ жеткізілетіні белгісіз.
Америка қару-жарағын жаңа механизм бойынша жеткізу туралы келісім жөнінде шілде ортасында хабарланған. Тасымалдауды АҚШ-тан басқа НАТО елдері қаржыландырады. БАҚ-тың жазуынша, 500 млн долларлық пакет аясында басымдық беретін қару-жарақ түрлерін Украинаның өзі анықтайды, ал әскери одаққа мүше елдер төлемді кім мойнына алатынын өздері шешеді.