Հետաքրքիր է իմանալ` վերջին անգամ ե՞րբ եք կարդացել հայ ժամանակակից գրողների գրքերը կամ, առավել եւս, վերջին անգամ ե՞րբ եւ ո՞ր գրողի գիրքն եք գնել գրախանութից: Անձամբ իմ հարցումները գրախանութներում հուսադրող չեն` գեղարվեստական գրականություն, իհարկե, վաճառվում է, բայց հիմնականում արտասահմանյան գրականություն: Հայ ժամանակակից գրականությունը մեծ պահանջարկ չի վայելում, եւ արդեն քանի տարի է մեր հայ գրողները ամենատարբեր պատճառներ են փորձում գտնել, թե ինչո՞ւ այսօր ընթերցողը չի հետաքրքրվում հայ ժամանակակից գրականությամբ: