«Որպես Հայաստանի խորհրդարանական մեծամասնության ղեկավար, վերահաստատում եմ, որ Թուրքիայի խորհրդարանի կողմից արձանագրությունները վավերացնելուց հետո, բացառվում է ՀՀ-ում դրանց տապալումը», - հայտարարեց նախագահ Սերժ Սարգսյանը չորեքշաբթի օրը Լոնդոնի` Միջազգային հարաբերությունների թագավորական ինստիտուտում ունեցած ելույթի ժամանակ: Մոտ մեկ ժամ տեւած ելույթում նախագահը խոսեց Հարավային Կովկասի անվտանգության խնդիրների, մասնավորապես, հայ-թուրքական եւ հայ-ադրբեջանական հարաբերությունների մասին։
