Զինծառայող Արմեն Գասպարյանի մահվան դեպքով քրեական վարույթ է նախաձեռնվել՝ սպանության հատկանիշներով, հաղորդում է Քննչական կոմիտեն։
Կոմիտեն որոշ մանրամասներ է ներկայացնում՝ նշելով, որ հունիսի 14-ին Ռազմական ոստիկանության Սիսիանի բաժնից հաղորդումն է ստացվել, որ նույն օրը՝ ժամը 08:20-ի սահմաններում, Պաշտպանության նախարարության N զորամասի մարտական դիրքում հայտնաբերվել է պայմանագրային զինծառայող Արմեն Գուրգենի Գասպարյանի դին՝ գլխի շրջանում հրազենային գնդակային վիրավորումով:
Նշանակվել են մի շարք փորձաքննություններ, կատարվում է նախաքննություն:
