19-ամյա զինծառայող Սևակ Հովհաննիսյանի մահվան դեպքի առթիվ նախաձեռնված քրեական վարույթով երկու անձի նկատմամբ հարուցվել է հանրային քրեական հետապնդում:
Քննչական կոմիտից հայտնում են, որ քրեական հետապնդումը հարուցվել է մի խումբ անձանց կողմից զորամասում կամ զինվորական ծառայություն կրելու այլ վայրում զինծառայողին սպառնալիքի, դաժան վերաբերմունքի կամ անձնական պատիվն ու արժանապատվությունը նվաստացնելու միջոցով անզգուշությամբ ինքնասպանության հասցնելու հոդվածով:
Վերջիններիս նկատմամբ որպես խափանման միջոց կիրառվել է կալանքը: Նրանց անունները չեն հաղորդվում;
