Վրաստանի իշխող «Վրացական երազանք» կուսակցությունը Թբիլիսիի քաղաքապետի պաշտոնում կրկին առաջադրել է գործող քաղաքապետ Կախա Կալաձեի թեկնածությունը:
Նրա առաջադրման հանդիսավոր միջոցառումը կայացել է մայրաքաղաքի Մտածմինդա այգում՝ կուսակցության անդամների, ինչպես նաև հիմնադիր և պատվավոր նախագահ Բիձինա Իվանիշվիլիի ներկայությամբ։
Կալաձեն նշել է երկու հիմնական սկզբունք, որոնց վրա կկառուցի իր նախընտրական ծրագիրը՝ վերընտրվելու դեպքում.
«Թբիլիսին պատասխանատվության քաղաք է, Թբիլիսին հնարավորությունների քաղաք է»։
Կախա Կալաձեն քաղաքապետի պաշտոնի համար առաջադրվում է երրորդ անգամ։ Նա քաղաքապետ է դարձել 2017 թվականին, իսկ երկրորդ ժամկետը սկսել է 2021-ին։
Վրաստանի տեղական ինքնակառավարման մարմինների ընտրությունները տեղի կունենան 2021 թվականի հոկտեմբերի 4-ին։
