Վանաձոր քաղաքի Երևանյան խճուղում գտնվող գազալցակայանում այսօր երեկոյան տեղի է ունեցել պայթյուն՝ հրդեհի բռնկմամբ, հաղորդում է ՆԳՆ փրկարար ծառայությունը։
ՆԳՆ խոսնակ Նարեկ Սարգսյանը «Ազատությանը» փոխանցեց, որ նախնական տվյալներով՝ կա մեկ տուժած, նա հոսպիտալացվել է։
Դեպքի վայր է մեկնել հրշեջ-փրկարարական ջոկատներից չորս մարտական հաշվարկ: Հրդեհը մեկուսացվել է ժամը 20:46-ին:
