Շաբաթ օրը Իրանում կախաղան են բարձրացրել առնվազն յոթ մարդու, այդ թվում՝ երկու կնոջ։
53-ամյա Փարվին Մուսավիին բանտում մահապատժի են ենթարկել թմրանյութերի հետ կապված տարբեր գործերով դատապարտված հինգ տղամարդկանց հետ միասին, հայտնում է Նորվեգիայում գործող Իրանի Մարդու իրավունքների խումբը։ Իսկ Նիշապուր քաղաքում Ֆաթեմեհ Աբդուլահի անունով 27-ամյա կինը կախաղան է բարձրացվել ամուսնու սպանության մեղադրանքով։
Իրավապաշտպան կառույցի տվյալներում՝ այս տարի Իրանում առնվազն 223 մահապատիժ է կիրառվել, որոնցից առնվազն 50-ը՝ մայիսին:
«Մահապատժի ենթարկվածները երկրի աղքատ և մարգինալացված խավերից են և չեն ունեցել պատշաճ ընթացակարգով արդար դատավարություններ»,- հայտարարում են իրանցի իրավապաշտպանները։