Ոստիկանությունում այսօր տեղեկություն է ստացվել, որ Քաջարանի Պոչամբար կոչվող թաղամասում, նախնական տվյալներով, ծեծկռտուք է եղել, «Ազատության» հետ զրույցում ասաց ՆԳՆ խոսնակ Նարեկ Սարգսյանը:
8 մարդ բերման է ենթարկվել:
Ըստ ՆԳՆ խոսնակի՝ կանխվել են հետագա զարգացումները:
Արդյոք նրանք կոմբինատի աշխատակիցներ են, թե ոչ, ոստիկանությունից խոստացան ավելի ուշ հայտնել:
Զանգեզուրի պղնձամոլիբդենային գործարանի՝ այս օրերին գործադուլ անող աշխատակիցներից Վահե Մխիթարյանն «Ազատությանն» ասաց, որ միջադեպը գործադուլի հետ կապ չունի:
