Եթե Սիրիայի հյուսիսում գործող քրդական խմբավորումները վայր չդնեն զենքերն, ապա Թուրքիայի զինված ուժերը կարող են հատել այդ երկրի հետ սահմանը՝ հարձակում ձեռնարկելով «ահաբեկչական կազմավորումների դեմ», հայտարարել է Թուրքիայի պաշտպանության նախարարությունը՝ միաժամանակ ընդգծելով, որ այդ գործողությունների ընթացքում «Անկարան հարգելու է Սիրիայի տարածքային ամբողջականությունը»։
Turkiye թերթի տեղեկություններով՝ հնարավոր հարձակմանը կարող են մասնակցել նաև Անկարայի հետ համագործակցող սիրիական խմբավորումները։
«Թուրքիայի աջակցությունը վայելող «Սիրիական ազատ բանակի» ստորաբաժանումները տեղակայվել են Հալեպի, Ռաքքայի և Հասեկեյի ուղղություններում։ Այս շրջաններ նաև հավելյալ անձնակազմ և զրահատեխնիկա է տեղափոխվել», - գրում է թերթը։
