Ընտրատարածքային ընտրական հանձնաժողովն ամփոփել է Արմավիրի մարզի Փարաքար համայնքի ավագանու արտահերթ ընտրությոնների նախնական արդյունքները:
«Քաղաքացիական պայմանագիր» կուսակցությունը ստացել է 3 հազար 669 քվե, «Միասնություն» կուսակցությունների դաշինքն է՝ 6 հազար 508, «Ազգային առաջընթաց» կուսակցությունը՝ 900, «Կայունություն» կուակցությունը» 426 քվե, անճշտությունների գումարային չափը՝ 106:
Կենտրոնական ընտրական հանձնաժողովը նշում է, որ ընտրողների հիմնական ցուցակի ընդհանուր թիվը կազմել է 20 հազար 967, քվեարկության օրն ընտրական տեղամասերում կազմված լրացուցիչ ցուցակների ընտրողների թիվը եղել է 37, ընտրողների ընդհանուր թիվը՝ 21 հազար 4։ Քվեարկությանը մասնակցել է ընդհանուր 11 հազար 528 մարդ։ 23 քվեաթերթիկ համարվել է անվավեր։
Երեկ ուշ երեկոյան «Ապրելու երկիր» կուսակցության նախագահ Մանե Թանդիլյանը սոցիալական ցանցում գրել էր, որ «Ապրելու երկիր» կուսակցության ներկայացուցիչ Վալոդյա Գրիգորյանը, որ «Միասնություն» դաշինքի թեկնածուն է այս ընտրություններում հաղթել է՝ հավաքելով 57 տոկոս ձայն։
ՔՊ-ի թեկնածու Լյուդվիգ Գյուլնազարյանն, ով նաև ղեկավարել է այս համանքն, այսօր շնորհավորել է ընտրություններում հաղթած թեկնածու Վալոդյա Գրիգորյանին։
«Փարաքարը մեր տունն է, ու բոլորիս անելիքն է առավելագույնն անել Փարաքար համայնքի զարգացման համար», -Ֆեյսբուքում գրել է Գյուլնազարյանը։
