Պետական այցով Ադրբեջան է ժամանում Բելառուսի նախագահ Ալեքսանդր Լուկաշենկոն։
Բելառուսի առաջնորդի մամլո ծառայության փոխանցմամբ՝ այցի շրջանակներում Լուկաշենկոն երկկողմ հանդիպում կունենա ադրբեջանցի պաշտոնակցի հետ՝ քննարկելու Մինսկի և Բաքվի հարաբերությունները՝ «շեշտը դնելով տարբեր ոլորտներում առևտրատնտեսական կապերի ընդլայնման և արդյունաբերության, գյուղատնտեսության ոլորտներում համագործակցության զարգացման վրա»։
