Հայաստանի պաշտպանության նախարար Սուրեն Պապիկյանը մեկնել է Գերմանիա՝ մասնակցելու Մյունխենի անվտանգության համաժողովին։
ՀՀ ՊՆ փոխանցմամբ՝ նախատեսված են Պապիկյանի երկկողմ հանդիպումներ գործընկերների հետ։
Այլ մանրամասներ չեն նշվում:
Մյունխենի համաժողովը հիմնադրվել է 1962 թվականին՝ որպես ՆԱՏՕ-ի անդամ երկրների «պաշտպանության գերատեսչությունների ներկայացուցիչների հանդիպում»:
1999 թվականից ամենամյա այս միջոցառմանը մասնակցում են նաև Կենտրոնական և Արևելյան Եվրոպայի երկրների քաղաքական գործիչները, զինծառայողները և բիզնեսի ներկայացուցիչները։
Ֆորումի շրջանակներում ավանդաբար կազմակերպվում են քաղաքական գործիչների ոչ պաշտոնական և անձնական հանդիպումներ, որոնց ընթացքում քննարկվում են անվտանգության քաղաքականության նոր նախաձեռնությունները:
