Մեկ օրվա ընթացքում ռազմաճակատում տեղի է ունեցել 124 բախում, իրավիճակը որոշ հատվածներում շարունակում է մնալ «լարված, բայց՝ վերահսկելի», հաղորդում է Ուկրաինայի Գլխավոր շտաբը։
Շտաբի փոխանցմամբ, Խարկովի ուղղությամբ մարտերը շարունակվում են Վոլչանսկի շրջանում։
Կուպյանսկի ուղղությամբ, ըստ Գլխավոր շտաբի, իրավիճակն էապես չի փոխվել, լարվածությունը, սակայն, պահպանվում է Բերեստովոյեի և Ստելմախովկայի շրջաններում։
Մայիսի 10-ի առավոտյան ռուսական ուժերը հարձակողական գործողություններ են սկսել Խարկովի շրջանում՝ ուկրաինա-ռուսական սահմանի երկայնքով։ Նրանց հաջողվել է գրավել մի քանի գյուղեր, Վոլչանսկի համար պայքարը շարունակվում է։
Ռուսաստանի նախագահը հայտարարել է, թե Ուկրաինայի մեծությամբ երկրորդ քաղաքը գրավելու մտադրություն չունի: Ըստ Պուտինի՝ Մոսկվան ուզում է «բուֆերային գոտի» ստեղծել՝ Ուկրաինայի հետ սահմանակից Բելգորոդի մարզը պաշտպանելու համար:
