Սիրիայի Լաթաքիա ու Ղամիշլի քաղաքների օդանավակայանները նվազագույնը մինչև փետրվարի 15-ը փակ կմնան։ Այս մասին հայտնում է ՏԱՍՍ-ը՝ հղում անելով պաշտոնական Դամասկոսին։
Սիրիայի օդային ուղիները փակվել էին նախորդ տարվա դեկտեմբերի 8-ից՝ երկրում ստեղծված արտակարգ իրադրության պատճառով։ Դամասկոսի օդանավակայանում հունվարի 7-ից վերսկսվեցին միջազգային թռիչքները։
Հալեպի օդանավակայանը մինչև փետրվարի 10-ը կգործի խիստ ռեժիմով, օդանավեր կընդունի ու կճանապարհի միայն ավիացիայի ոլորտը վերահսկող պետական մարմնի թույլտվությամբ։
