Սև ծովում մազութի արտահոսքի պատճառով դաշնային արտակարգ դրություն է սահմանվել, հաղորդում է Ռուսաստանի արտակարգ իրավիճակների նախարարությունը։
«Ես առաջարկում եմ Կերչի նեղուցում տանկերի կործանման հետևանքով առաջացած արտակարգ իրավիճակը դասակարգել որպես դաշնային արտակարգ իրավիճակ և սահմանել արձագանքման դաշնային մակարդակ»,- հայտարարել է ԱԻ նախարար Ալեքսանդր Կուրենկովը։
Թե մասնավորապես որ տարածքի վրա է գործելու արտակարգ ռեժիմը, չի հստակեցվում։
Ավելի վաղ նման ռեժիմ մտցնելու մասին հայտարարել էր բռնակցված Ղրիմի «ղեկավար» Սերգեյ Ակսենովը։
Դեկտեմբերի 25-ին Կրասնոդարի երկրամասի նահանգապետ Վենիամին Կոնդրատևն էր տարածաշրջանային արտակարգ դրություն հայտարարել։
Դեկտեմբերի 15-ին Կերչի նեղուցում վթարի են ենթարկվել "Волгонефть-239" և "Волгонефть-212" նավերը, որոնք տեղափոխում էին մոտ ինը տոննա մազութ։ Վթարի հետևանքով մազութի արտահոսք է տեղի ունեցել։ Սև ծովի ափի մոտ 70 կիլոմետրն աղտոտված է նավթամթերքով։ Կրասնոդարի երկրամասում կամավորները 19 սատկած դելֆին և 210 սատկած թռչուն են հայտնաբերել։
Ռուսաստանի արտակարգ իրավիճակների նախարարությունը որպես տանկերի կործանման պատճառ նշել էր եղանակային բարդ պայմանները՝ սաստիկ քամիներն և մինչև յոթ բալ ծովի ալիքները։
