Ռուսաստանը վերջին երեք տասնամյակում առաջին անգամ վերսկսում է ուղևորատար թռիչքները դեպի Վրաստանից անջատված Աբխազիայի մայրաքաղաք։
Ռուսաստանյան պետական լրատվամիջոցների փոխանցմամբ՝ Մոսկվայից Սուխումի առաջին փորձնական թռիչքը տեղի է ունեցել այսօր, իսկ կանոնավոր թռիչքները նախատեսվում է սկսել մայիսին:
Սուխումիի օդանավակայանը չէր գործում 1990-ականների պատերազմից ի վեր, որի արդյունքում Թբիլիսին կորցրեց վերահսկողությունը Աբխազիայի նկատմամբ։
Վրաստանի կառավարությունն առայժմ չի մեկնաբանել դեպի Սուխումիի օդանավակայան թռիչքների վերսկսումը:
