«Քրիստոսի հարության տոնի առթիվ նախագահ Պուտինի կողմից հայտարարված հրադադարից հետո ռուսական զորքերը այսօր շարունակել են ռազմական գործողությունները ուկրաինական ուժերի դեմ», - այսօր հայտարարել է Ռուսաստանի Պաշտպանության նախարարությունը։
Ռուսաստանի ռազմական գերատեսչությունը նաև հայտարարել է, որ հրադադարի ընթացքում Մոսկվայի ենթակայության տակ գործող ստորաբաժանումները՝ «հետևել են հրադադարի պայմաններին և չեն լքել զբաղեցրած դիրքերը»։
Ուկրաինական կողմը, սակայն, հայտարարում է, որ ռուսական զորքերը Մոսկվայի հայտարարած հրադադարի պայմանները չեն կատարել։
«Ապրիլի 20-ի երեկոյան ժամը ութի դրությամբ ռուսական զորքերը հրետանային հարվածներ և ԱԹՍ-ներով գրոհներ են իրականացրել ռազմաճակատի բոլոր հիմնական ուղղություններով», - հայտարարել է Ուկրաինայի նախագահ Վլադիմիր Զելենսկին։
