Ֆլորիդայի դատարանի որոշմամբ, ԱՄՆ-ում օրերս ձերբակալված Ռուսաստանի քաղաքացի Դենիս Պոստովոն կալանավորեց, գրում է ՏԱՍՍ-ը՝ վկայակոչելով նրա փաստաբանին։
Պոստովոն մեղադրվում է ԱԹՍ-ների համար միկրոէլեկտրոնիկա Ռուսաստան ապօրինի ներկրելու համար:
Պոստովոյին Ֆլորիդայից կտեղափոխեն Վաշինգտոն, հաջորդ դատական նիստի օրը դեռ հայտնի չէ։
ՌԴ քաղաքացին ձերբակալվել էր սեպտեմբերի 16-ին Ֆլորիդայի Սարասոտա քաղաքում։ Ըստ ԱՄՆ արդարադատության նախարարության՝ 44-ամյա Պոստովոն առնվազն 2022 թվականի փետրվարից ԱՄՆ-ից գնում և ապօրինի Ռուսաստան է արտահանում էլեկտրոնային բաղադրիչներ, որոնք կարող էին օգտագործվել անօդաչու թռչող սարքերի արտադրության համար:
Քննության տվյալներով՝ ՌԴ քաղաքացին ղեկավարել է ընկերությունների ցանց Ռուսաստանում, Հոնկոնգում և այլ երկրներում։ ԱՄՆ-ում ՌԴ դեսպանությունը հաղորդել էր, որ Պոստովոյի ձերբակալության մասին պաշտոնական ծանուցում չի ստացել։
