Քիմիական զենքի արգելման համաշխարհային կազմակերպության ներկայացուցիչները այսօր ժամանել են Դամասկոս՝ հանդիպելու Սիրիայի նոր ղեկավարների հետ, հաղորդում է France-Press-ը:
Նախկին նախագահ Բաշար Ասադի տապալումից հետո կազմակերպությունն առաջին անգամ է Սիրիայում, որտեղ նախորդ տասնամյակում քիմիական զենքի կիրառման բազմաթիվ դեպքեր էին հայտնաբերել։
Կազմակերպության ներկայացուցիչները, նրանց թվում նաև՝ տեխնիկական փորձագետներ, հանդիպելու են Սիրիայի առաջնորդ Ահմեդ ալ-Շարաայի և արտգործնախարարի հետ:
