Ռուսաստանի և Թուրքիայի նախագահներ Վլադիմիր Պուտինը և Ռեջեփ Էրդողանն այսօր Աստանայում մոտ մեկ ժամանոց հանդիպում կունենան, որի ընթացքում կքննարկեն Ուկրաինայի և Սիրիայի հակամարտությունները, լրագրողների հետ զրույցում տեղեկացրել է Ռուսաստանի նախագահի խոսնակ Դմիտրի Պեսկովը։
Կրեմլի ներկայացուցիչն ընդգծել է, որ Մոսկվան կարևորում է Սիրիայում խաղաղության հաստատման գործընթացը։
«Ռուսաստանը մեծ ջանքեր է գործադրել դրա համար, մենք կողջունենք շփումները հարևան պետությունների հետ, որոնք թույլ են տալիս այս գործընթացի հետագա հաջող զարգացմանը», - ասել է Պեսկովը։
Պուտինն ու Պեսկովը Աստանայում մասնակցում են Շանհայի համագործակցության կազմակերպության գագաթնաժողովի երկօրյա նիստին։
ՇՀԿ-ն քաղաքական և անվտանգության կազմակերպություն է, ստեղծվել է Չինաստանի և Ռուսաստանի կողմից 2001 թվականին։ Կազմակերպությունն 9 անդամ պետություն ունի՝ Ռուսաստան, Հնդկաստան, Ղազախստան, Չինաստան, Ղրղըզստան, Պակիստան, Տաջիկստան, Ուզբեկստան, Իրան։ Ակնկալում է նաև Բելառուսի անդամակցությունը, որը նախատեսվում է հաստատել հուլիսի 4-ին կայանալիք գագաթնաժողովում։ Հայաստանը կազմակերպությունում գործընկերոջ կարգավիճակ ունի։
