«Այսօր Ռուսաստանը և Միացյալ Նահանգները՝ որպես երկու խոշորագույն միջուկային տերություններ, հատուկ պատասխանատվություն են կրում «գլոբալ մասշտաբով» կայունության և անվտանգության ապահովման համար», ԱՄՆ անկախության օրվա կապակցությամբ նախագահ Դոնալդ Թրամփին ուղղված շնորհավորական ուղերձում ասել է Ռուսաստանի նախագահ Վլադիմիր Պուտինը:
Ռուսաստանի առաջնորդն իր ուղերձում հավելել է, որ Ռուսաստանի և Միացյալ Նահանգների միջև փոխշահավետ համագործակցության հաստատումը բխում է ամբողջ աշխարհի շահերից։