«Եթե եվրոպական պետություններն իրոք որոշել են վերացնել Ուկրաինային մատակարարվող սպառազինության հեռահարության սահմանափակումները, ապա դա շատ վտանգավոր որոշում է», - հայտարարել է Ռուսաստանի նախագահի մամուլի քարտուղար Դմիտրի Պեսկովը՝ մեկնաբանելով գերմանական Berliner Zeitung պարբերականի այսօրվա հրապարակումը։
Գերմանական թերթը մեջբերել է դաշնային կանցլեր Ֆրիդրիխ Մերցի խոսքերը, որն ասել էր, թե «Մեծ Բրիտանիան, Ֆրանսիան, Գերմանիան և Միացյալ Նահանգները որոշել են Ուկրաինային այնպիսի սպառազինություն մատակարարել, որով հնարավոր կլինի հարվածել Ռուսաստանի տարածքին»։ Մերցի հայտարարությունների պաշտոնական հաստատում դեռ չկա։
«Նման պոտենցիալ որոշումները հակասում են քաղաքական լուծման հասնելու մեր ձգտումներին», - նշել են Կրեմլից։
