Կրեմլի մամուլի քարտուղար Դմիտրի Պեսկովի խոսքով՝ Սիրիայի նախագահ Բաշար Ասադը հրաժարականի մասին որոշումը կայացրել է առանց որևէ արտաքին ճնշման կամ միջամտության։
«Պետության ղեկավարի պարտականությունների կատարումից հրաժարումը Ասադի անձնական որոշումն էր», - նշել է Պեսկովը՝ հրաժարվելով հավելյալ մեկնաբանություններից։
Կրեմլի խոսնակը նաև հրաժարվել է մեկնաբանել Սիրիայում ծավալվող զարգացումները՝ նշելով, որ դրանք «խոր վերլուծության կարիք ունեն»։
Դեկտեմբերի 8-ի գիշերը սիրիական ընդդիմության ներկայացուցիչները մտան Դամասկոս, հայտարարեցին Ասադի ռեժիմի տապալման մասին։ Ասադը լքեց Սիրիան։ Այժմ նա գտնվում է Մոսկվայում։ Ռուսաստանի նախագահը նրան և նրա ընտանիքի անդամներին ապաստան է տվել։
