Պեկինը հայտարարել է, որ ԱՄՆ-Ճապոնիա հարաբերությունների ամրապնդումն ու անվտանգության ոլորտում համագործակցության զարգացումը պետք է նպաստի տարածաշրջանային խաղաղությանը և կայունությանը։
Արձագանքելով ԱՄՆ նախագահ Դոնալդ Թրամփի և Ճապոնիայի նորանշանակ վարչապետ Սանաե Տակաիչիի հանդիպմանը ստորագրված փաստաթղթերին՝ Չինաստանի արտգործնախարարության խոսնակը կոչ է արել Տոկիոյին հարգել իր հարևանների՝ անվտանգության հետ կապված մտահոգությունները։
Դոնալդ Թրամփը Տոկիոյում ի թիվս այլ փաստաթղթերի նաև ԱՄՆ-Ճապոնիա հարաբերությունների «նոր դարաշրջանի» մասին համաձայնագիր է ստորագրել, որով երկու երկրները խոստացել են խորացնել հարաբերությունները ռազմական, ինչպես նաև հազվագյուտ մետաղների արդյունահանման ոլորտներում։
