Ռուսական լայնամասշտաբ ներխուժման սկզբից ի վեր Ուկրաինան 43 հազար զինվորական է կորցրել, հայտարարել է երկրի նախագահ Վլադիմիր Զելենսկին՝ նշելով, որ վիրավորների թիվը հասնում է 370 հազարի։
Զելենսկին ասել է, որ վիրավորների մոտ 50 տոկոսն ապաքինվելուց հետո կրկին վերադառնում է ծառայության, և որ Ուկրաինան գրանցում է թե՛ թեթև, թե՛ կրկնվող վնասվածքների դեպքերը։
Զելենսկին խոսել է նաև ռուսական կողմի կորուստներից՝ նշելով, որ այն գերազանցում է 750 հազարը։
«Ռուսաստանի զինված ուժերի կորուստների վերաբերյալ թարմացված տվյալներով այն գերազանցում է 750 հազարը՝ 198 հազար սպանված և ավելի քան 550 հազար վիրավոր», - Տելեգրամում գրել է Զելենսկին։
Ուկրաինայի նախագահն անդրադարձել է նաև գերիներին՝ նշելով, որ հազարավոր ուկրաինացիներ գտնվում են ռուսական գերության մեջ, նրանցից մի քանիսը դեռ 2014 թվականից։
Պատերազմի սկզբից, ըստ Զելենսկու, Ուկրաինային հաջողվել է գերությունից վերադարձնել 3 հազար 935 մարդու՝ 3 հազար 767 զինվորական և 168 խաղաղ բնակիչ, սակայն, Ուկրաինայի առնվազն մի քանի միլիոն քաղաքացիներ մնում են օկուպացված տարածքներում, ասել է Ուկրաինայի նախագահը։
Զելենսկին տեղեկացրել է, որ Թրամփի հետ հանդիպման ժամանակ նրան ասել է, որ Ուկրաինային արդար և ուժեղ աշխարհ է պետք։
Զելենսկին Թրամփի հետ հանդիպել է շաբաթ օրը Փարիզում։
Թրամփն իր նախընտրական քարոզարշավի ժամանակ քանիցս հայտարարել է, որ մտադիր է վերջ դնել ուկրաինական հակամարտությանը։
