Մեքսիկայի նախագահ Կլաուդիա Շեյնբաումը կարգադրել է մաքսատուրքեր սահմանել՝ ի պատասխան Մեքսիկայից եկող բոլոր ապրանքների համար 25 տոկոս մաքսատուրքեր սահմանելու ԱՄՆ-ի որոշման:
X-ի գրառման մեջ Շեյնբաումը հայտարարել է, որ իր կառավարությունը ձգտում է երկխոսության, այլ ոչ թե առճակատման հյուսիսում իր հիմնական առևտրային գործընկերոջ հետ, բայց Մեքսիկան ստիպված է եղել պատասխանել նույն կերպ:
Վաշինգտոնը երեկվանից բարձրացրեց մաքսատուրքերը Մեքսիկայից, Կանադայից և Չինաստանից ներկրվող ապրանքների համար։ Սպիտակ տան խոսնակ Քերոլայն Լիվիթը հայտնել է, որ Կանադայի և Մեքսիկայի դեպքում մաքսատուրքը կկազմի 25, իսկ Չինաստանի դեպքում՝ 10 տոկոս։
Չինաստանի կառավարությունը, իր հերթին, կիրակի օրը դատապարտել է այս սակագնի սահմանումը:
Պեկինը Առևտրի համաշխարհային կազմակերպությունում վիճարկելու է նախագահ Դոնալդ Թրամփի սակագները: Չինաստանի առևտրի նախարարությունը հայտարարել է, որ Թրամփի գործողությունները «լրջորեն խախտում են» միջազգային առևտրի կանոնները:
Սպիտակ տունը պնդում է, որ այս քայլին է դիմում այն պատճառով, որ այդ երեք երկրները բավարար քայլեր չեն ձեռնարկում ֆենտանիլ թմրանյութի ներմուծումը Միացյալ Նահանգներ կանխելու համար։
Կանադան ևս հայտարարել է, որ պատասխան միջոցներ կձեռնարկի նոր սակագների դեմ: Վարչապետ Ջասթին Թրյուդոն հայտարարել է, որ Թրամփի գործողություններն իրական հետևանքներ կունենան:
Թրյուդոն մամուլի ասուլիսի ժամանակ ասել է, որ իջեցնում է 155 միլիարդ կանադական դոլար (107 միլիարդ դոլար) արժողությամբ ամերիկյան ապրանքների սակագները:
