Ուկրաինան շարունակում է ռազմական օգնություն ստանալ ԱՄՆ-ից, սակայն ներկայումս չի քննարկվում որևէ հեռանկարային փաթեթի հարց, չորեքշաբթի հայտարարել է նախագահ Վլադիմիր Զելենսկին:
«Այսօրվա դրությամբ ԱՄՆ-ի աջակցությունը չի նվազում», - Մեծ Բրիտանիայի արտաքին գործերի նախարարի հետ Կիևում հանդիպումից հետո լրագրողներին ասել է Զելենսկին:
Վաշինգտոնը Կիևին ռազմական օգնության խոշորագույն մատակարարներից մեկն էր գրեթե երեք տարի առաջ Ռուսաստանի լայնածավալ ներխուժման սկզբից ի վեր:
Սակայն նորընտիր նախագահ Դոնալդ Թրամփը պարբերաբար քննադատել է ԱՄՆ-ի կողմից Կիևին ցուցաբերվող օգնության ծավալները: Reuters-ի աղբյուրները պնդել են, որ ԱՄՆ-ից Ուկրաինա զենքի մատակարարումները վերջերս կարճ ժամանակով դադարեցվել են, իսկ հետո վերսկսվել:
Զելենսկին հայտարարել է, որ դեռ շատ վաղ է քննարկել ռազմական օգնության նոր ծավալները։
