Ուկրաինան անցած գիշերը անօդաչու սարքերով հարձակվել է Ռուսաստանում գտնվող երկու նավթավերամշակման գործարանների վրա, հաղորդել է երկրի ԶՈՒ գլխավոր շտաբը։
Կրասնոդարի ղեկավարը հաստատել է, որ տեղի նավթավերամշակման գործարանում հրդեհ է բռնկվել անօդաչու թռչող սարքի բեկորների պատճառով: Պաշտոնական տվյալներով՝ վնասվել է տեխնոլոգիական արտադրամասերից մեկը, զոհեր չկան:
Մինչ այդ՝ նախօրեին, Ուկրաինայի նախագահը հայտարարել էր, որ Կիևի դաշնակիցները համաձայն են սպասել մինչև սեպտեմբերի 1-ը՝ Ռուսաստանից ստանալու ազդանշաններ, որ Պուտինը պատրաստ է երկկողմ հանդիպման։
«Եթե Մոսկվան չհաստատի իր պատրաստակամությունը, Ռուսաստանի դեմ պետք է ձեռնարկվեն նոր պատժամիջոցներ», - - ասել էր Զելենսկին:
