Ուկրաինայի գլխավոր դատախազ Անդրեյ Կոստինը մեղադրել է Ռուսաստանի ռազմաօդային ուժերի անանուն հրամանատարին՝ հուլիսին Կիևի մանկական հիվանդանոցին ավերիչ ավիահարված հասցնելու հրաման տալու համար։
Կոստինն այս մասին ասել է Միջազգային քրեական դատարանի (ՄՔԴ) գլխավոր դատախազ Քարիմ Խանի հետ ողբերգության վայր այցելելիս։
Լրագրողների հետ զրույցում Խանն ասել է, որ, ամենայն հավանականությամբ, հարձակումը եղել է Kh-101 թևավոր հրթիռով՝ խուսափելով նշել հասցեատիրոջը։
Միջազգային քրեական դատարանի գլխավոր դատախազն Ուկրաինա է եկել՝ միջկառավարական դատարանին իր աջակցությունը հայտնելու համար, որ հետամուտ է արդարադատություն իրականացնել ռուսական ենթադրյալ ռազմական հանցագործությունների գործով․ միջազգային օրդերներ կան Ռուսաստանի բարձրաստիճան ղեկավարների, այդ թվում՝ նախագահ Վլադիմիր Պուտինի նկատմամբ։
Կոստինը խուսափել է անուններ նշել՝ ասելով միայն, որ ՄՔԴ-ն արդեն «Օխմադետ» մանկական հիվանդանոցին հարվածելու հրաման տալու մեջ կասկածվող հրամանատարին ձերբակալելու միջազգային օրդեր է տվել։
